BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

ۆيرۋس chrome جانە firefox ارقىلى بانك كارتاسىنىڭ مالىمەتتەرىن ۇرلاۋدا

فوتو: InfoResist

proofpoint كومپانياسىنىڭ ماماندارى google chrome جانە firefox براۋزەرلەرىنىڭ قولدانۋشىلارىنا vega stealer دەپ اتالاتىن ۆيرۋس ٴقاۋىپ توندىرگەنىن انىقتادى، دەپ حابارلايدى baq.kz اقپارات اگەنتتىگى.

حاكەرلەر جاڭا ۆيرۋستىڭ كومەگىمەن براۋزەرلەردە ساقتالىپ تۇراتىن تولەم اقپاراتتارىن، ياعني بانك كارتالارى دەرەكتەرىن، الەۋمەتتىك جەلىدەگى جەكە مالىمەتتەر مەن cookie فايلدارىنىڭ مالىمەتتەرىن ۇرلاعان.

زەرتتەۋشىلەر انىقتاعانداي، ۆيرۋس ماركەتينگ، جارناما، جۇرتشىلىقپەن بايلانىس، بولشەك ساۋدا جانە وندىرىستە بيزنەس وكىلدەرىنىڭ قۇرىلعىلارىن زاقىمداۋ ٴۇشىن پايدالانىلعان.

حاكەرلەر باعدارلامانى تاراتۋ ٴۇشىن ستاندارتتى فيشينگتى كامپانيالاردى قولدانعان. ولار «ينتەرنەت دۇكەنگە قۇراستىرۋشى قاجەت»، «تاۋاردى كەرى قايتارۋ»، «ٴبىزدىڭ فيرماعا ينتەرنەت-دۇكەن قاجەت» دەگەن تاقىرىپتاردا ەلەكتروندى حاتتار تاراتىپ، سونىمەن قاتار، جەكە بيزنەس وكىلدەرىنە حابارلامالار جولداعان.

جىبەرىلگەن حاتتاردا vega stealer زياندى ماكروستارىن جۇكتەيتىن brief.doc دەگەن قوسىمشالار بولعان.

مامانداردىڭ بولجاۋىنشا، vega stealer جالپى قوعامعا ٴقاۋىپ ٴتوندىرىپ، قاراپايىم قولدانۋشىلار اراسىندا تاراپ كەتۋى مۇمكىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي