BAQ.kz - Қазақстан жаңалықтары USD 375.9 BAQ.kz - Қазақстан жаңалықтары EUR 423.56 BAQ.kz - Қазақстан жаңалықтары RUB 5.55
استانا:

ۆەتنام بيلىگى ەل تۇرعىندارىن يت ەتىن جەمەۋگە شاقىردى

فوتو: penguin.bg

ۆەتنام استاناسى حانويا بيلىگى تۇرعىنداردى يت ەتىن تۇتىنباۋعا شاقىردى. سەبەبى بۇل قالا بەدەلىنە نۇقسان كەلتىرەدى ٴارى ٴقاۋىپتى اۋرۋلار تۋدىرادى، دەپ حابارلايدى baq.kz اقپارات اگەنتتىگى lenta.ru پورتالىنا سىلتەمە جاساپ.

حانويا حالىقتىق كوميتەتىندە، بۇل كونە ازيالىق ٴداستۇر قازىرگى استانانىڭ بەدەلىنە نۇقسان كەلتىرەتىنى ايتىلدى. سونداي-اق يت ەتىن جەۋ لەپتوسپيروز، قۇتىرۋ اۋرۋلارىنا اكەلەتىنى جاريا ەتىلدى.

قازىرگى ۋاقىتتا قالاداعى مىڭداعان دۇكەن يت پەن مىسىق ەتىن ساتۋدا. مىسىق ەتى سونداي ۇلكەن تانىمالدىلىققا يە ەمەس، دەگەنىمەن ونى دا تۇتىنادى. كوميتەتى وكىلدەرى جانۋارلاردىڭ اياۋسىز ولتىرىلەتىنىن باسا ايتتى.

قالادا شامامەن 490 مىڭ يت پەن مىسىق بار. بۇلار نەگىزىنەن ٴۇي جانۋارلارى، الايدا ونىڭ 10 پايىزىن سويۋ ٴۇشىن ۇستاپ وتىر. كوپتەگەن ۆەتنامدىقتار ولاردى جەۋدەن باس تارتقانىمەن ۇلكەن بۋىن اراسىندا ولاردى جەۋ ساقتالىپ كەلەدى.

يت ەتى – ۆەتنام تاعام يندۋسترياسىندا ويىپ تۇرىپ ورىن الادى. ويتكەنى ارزاندىعىمەن ۇلكەن سۇرانىسقا يە بولىپ وتىر. the guardian باسىلىمىنىڭ مالىمەتىنشە، ەت ٴۇشىن بۇل ەلدە جىلىنا بەس ميلليونعا دەيىن يت ولتىرىلەدى ەكەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي