BAQ.kz - Қазақстан жаңалықтары USD 327.42 BAQ.kz - Қазақстан жаңалықтары EUR 383.51 BAQ.kz - Қазақстан жаңалықтары RUB 5.29
استانا:

ۆەنەسۋەلادا پرەزيدەنت سايلاۋى وتەدى

فوتو: rossaprimavera.ru

جەكسەنبى كۇنى ۆەنەسۋەلا تۇرعىندارى جاڭا پرەزيدەنت سايلاۋىن وتكىزەدى. جەڭىمپاز تەرەڭ ەكونوميكالىق جانە الەۋمەتتىك داعدارىسقا باتقان ەلگە يە بولىپ، دارى-دارمەك جەتىسپەۋشىلىگى، گيپەرينفلياسيا جانە قورعاۋ جۇيەسىنىڭ السىزدىگىنەن زارداپ شەگىپ وتىرعان ميلليونداعان تۇرعىننىڭ ٴۇمىتىن اقتاۋى ٴتيىس، دەپ حابارلاديى baq.kz اقپارات اگەنتتىگى cnn باسىلىمىنا سىلتەمە جاساپ.

ميگراسيا بويىنشا حالىقارالىق ۇيىم بەرگەن ەسەپتە 2015-2017 جىلدار ارالىعىندا ەلدەگى داعدارىستان 1،6 ميلليون ادام كوشىپ كەتكەن دەگەن اقپارات بار. ال ەل ايماقتارىنىڭ باسشىلارى سايلاۋ وتكىزۋگە قارسى، ويتكەنى ولار سايلاۋ ادىلەتتى تۇردە وتەتىنىنە سەنبەيدى.

«مادۋرو ۇكىمەتى سايلاۋدىڭ زاڭدى ٴوتۋى ٴۇشىن كۇرەس جۇرگىزۋدە. ول بۇكىل الەمدى سايلاۋ ادىلەتتى، سەنىمدى ٴارى باسەكەگە قابىلەتتى وتەدى دەپ سەندىرگىسى كەلەدى»، - دەدى امەريكالىق ۋنيۆەرسيتەتتىڭ عىلىمي قىزمەتكەرى مايكل ماككارتي.

دۇيسەنبى كۇنى 10 لاتىنامەريالىق ەل مەن اقش، يسپانيا قول قويعان قۇجاتتا ەلدى باسقارىپ وتىرعان پرەزيدەنت نيكولاس مادۋرونىڭ «اۆتوريتارلىق جۇيە» ورناتقانى جازىلىپ، اتالعان ەلدەر ونىڭ بيلىكتەن كەتۋىن تالاپ ەتكەن. بۇل توپ ۆەنەسۋەلا ۇكىمەتىنە سايلاۋ جۇمىستارىن توقتاتۋدى وتىنگەن.

ماككارتي الداعى سايلاۋعا تۇرعىنداردىڭ كەلمەيتىنىن، سوندىقتان تاعى دا ادىلەتسىزدىك ورىن الاتىنىن ايتىپ وتىر. ول مادۋرو ٴۇشىن دە تۇرعىنداردىڭ سايلاۋعا مۇلدەم قاتىسپاۋى ەڭ اۋىر پروبلەما بولاتىنىن ايتادى.

جەكسەنبى كۇنگى سايلاۋعا ەكى كانديدات قاتىسادى. ولار: نيكولاس مادۋرو جانە وپپوزيسيالىق پارتيا وكىلى انري فالكون. مادۋرو 2013 جىلى ۋگو چاۆەس قايتىس بولعالى بەرى ەل باسقارىپ كەلەدى.

چاۆەس كەزىندە ۆەنەسۋەلا ەلى سوسياليزمگە بەت الدى. كوپتەگەن تۇرعىندار چاۆەستى كەدەيلەردەن شىققان قاھارمانداي قارايدى. ول بيلىكتەن كەتەر الدىندا مادۋرونى ٴوز ٴىزباسارى رەتىندە تاڭداعان، سوندىقتان 2013 جىلى مادۋرو بيلىككە وڭاي جولمەن جەتتى.

مادۋرو چاۆەستىڭ ساياساتىن جالعاستىردى. الەۋمەتتىك قامتۋ، كوپتەگەن تاعامدار باعاسىن باقىلاۋ جانە ەلگە ۇلەستىرۋ – بۇل ەلدىڭ باستى ساياساتى.

ايتا كەتەرلىگى، ۆەنەسۋەلا – الەمدەگى ەڭ باي مۇناي قورى بار ەلدەردىڭ ٴبىرى، سوندىقتان ەل ۇكىمەتى بۇل قوردى سارقىلمايتىن اقشانىڭ كوزى دەپ ويلاپ قالعان ەدى. 2016 جىلى مۇناي باعاسى ٴتۇسىپ كەتكەن كەزدە، ەل ەكونوميكاسى داعدارىسقا دۋشار بولدى. حالىقارالىق ۆاليۋتا قورى ۆەنەسۋەلاداعى ينفلياسيا 2018 جىلى 13 000 پايىزعا جەتەدى دەپ بولجاپ وتىر.

مادۋرو بۇل مەملەكەتتىڭ داعدارىسقا ۇشىراۋىنا اقش ايىپتى دەپ وتىر. ويتكەنى، ۆەنەسۋەلا باسشىلارىنا قارسى ۆاشينگتون جاريالاعان سانكسيالار اق ٴۇيدىڭ «ەكونوميكالىق سوعىس» ساياساتىن ۇستاناتىنىن دالەلدەيدى. سونداي-اق، ەل باسشىسى نيكولاس مادۋرو ەنەسۋەلاعا ەشبىر ەلدەن گۋمانيتارلىق كومەك المايدى.

ال ەلدەگى مىقتى ساياساتكەردىڭ ٴبىرى سوكول سوڭعى جىلدارى مادۋرو ۇكىمەتىنە قارسى كۇرەستى. ول قارجىلىق داعدارىستان شىعۋدىڭ جولى ەلدىڭ دوللار ۆاليۋتاسىنا ٴوتۋى دەپ سانايدى. سوكول – مادۋرونىڭ قارسىلاسى، ٴبىراق كەزىندە چاۆەستىڭ ساياساتىن تولىق جاقتاعان. 2010 جىلى ول ۇكىمەتتەن كەتىپ، 2013 جىلى وپپوزيسيالىق پارتياعا ٴوتتى. لارا شتاتىنىڭ گۋبەرناتورى قىزمەتىن اتقارعان.

وپپوزيسيالىق پارتيا جەڭىسكە جەتكەن جاعدايدا ول مينيسترلەر كابينەتىن سايلاپ، ۆەنەسۋەلا ٴۇشىن وزگە ەلدەردەن گۋمانيتارلىق كومەك الۋعا ٴسوز بەردى.

پرەزيدەنت سايلاۋى 2018 جىلدىڭ اقپان ايىنا جوسپارلانعان بولاتىن، ٴبىراق كۇتپەگەن جەردەن ەل ۇكىمەتى ٴساۋىر ايىنا اۋىستىرىپ جىبەردى. ۇكىمەت پەن وپپوزيسيالىق پارتيا وكىلدەرى كەلىسە الماعاندىقتان، ەڭ سوڭىندا مامىر ايىنا شەگەرىلگەن.

مادۋروعا قارسى شىققان كوپتەگەن كانديداتتار سايلاۋدان الىستاتىلدى. ماسەلەن، وپپوزيسيالىق پارتيا وكىلى ەنريكە كاپريلەسكە 2017 جىلدان باستاپ 15 جىل بويى سايلاۋعا قاتىسۋعا تىيىم سالىندى. ميراندا شتاتىنىڭ گۋبەرناتورى قىزمەتىن اتقارىپ جۇرگەن كاپريلەسكە اكىمشىلىك قۇقىق بۇزعانى ٴۇشىن وسىنداي شەكتەۋ ەنگىزىلگەن.

اعىلشىن تىلىنەن اۋدارعان التىناي قۋانىشبەك

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي