BAQ.kz - Қазақстан жаңалықтары USD 370.49 BAQ.kz - Қазақстан жаңалықтары EUR 421.06 BAQ.kz - Қазақстан жаңалықтары RUB 5.54
استانا:

ۋكراينا رەسەيمەن اراداعى ىنتىماقتاستىق كەلىسىمىن توقتاتتى

استانا، baq.kz. ۋكراينانىڭ جوعارعى راداسى 6 جەلتوقساندا ۋكراينا مەن رەسەي اراسىنداعى دوستىق تۋرالى كەلىسىمدى توقتاتاتىن زاڭ جوباسىن ماقۇلدادى. "ۋكراينا مەن رەسەي فەدەراسياسى اراسىنداعى دوستىق، ىنتىماقتاستىق جانە ارىپتەستىك جونىندەگى كەلىسىمدى توقتاتۋ تۋرالى" زاڭ جوباسىن 277 دەپۋتات قولداپ داۋىس بەردى.

ازاتتىقتىڭ جازۋىنا قاراعاندا، زاڭ جوباسىن پارلامەنتكە 3 جەلتوقساندا ۋكراينا پرەزيدەنتى پەتر پوروشەنكو ۇسىنعان. وعان كەرچ بۇعازىندا رەسەي اسكەريلەرىنىڭ ۋكراينانىڭ ٴۇش كەمەسىن اتقىلاپ، تۇتقىنداعانى سەبەپ بولعان. زاڭ جوباسى وسىعان بايلانىستى جەدەل قارالدى.

ۋكراينا سىرتقى ىستەر ٴمينيسترى پاۆەل كليمكين ۋكراين ديپلوماتتارى وسى كەزگە دەيىن رەسەيمەن 48 كەلىسىمدى توقتاتقانىن، ەندى تاياۋ ۋاقىتتا تاعى 40 شاقتى كەلىسىمنىڭ كۇشى جويىلاتىنىن مالىمدەدى.

ۋكراينا مەن رەسەي اراسىنداعى دوستىق جانە ىنتىماقتاستىق جونىندەگى كەلىسىمگە 1997 جىلدىڭ 31 مامىرىندا سول كەزدەگى ەكى ەل پرەزيدەنتى لەونيد كۋچما مەن بوريس ەلسين قول قويعان. كەلىسىم ون جىلعا (ودان ٴارى وزدىگىنەن ۇزارا بەرەدى) ارنالعان. كەلىسىم 1999 جىلدىڭ 1 ساۋىرىنەن باستاپ كۇشىنە ەنگەن.

6 جەلتوقساندا ۋكراينا جوعارعى راداسى شەكاراشىلارعا ەل اۋماعىنا باسىپ كىرۋ ٴقاۋپى تونگەن جاعدايدا ەسكەرتۋسىز وق اتۋعا رۇقسات بەردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي