BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

ۋكراينا رەسەيدىڭ ۇستىنەن بۇۇ-عا مەموراندۋم جولدادى

ۋكراينا بۇۇ حالىقارالىق سوتىنا رەسەيدىڭ ۇستىنەن "تەرروريزمدى قارجىلاندىرىپ، ناسىلدىك كەمسىتۋشىلىك تۋعىزىپ جاتىر" دەپ تۇسىرگەن شاعىمى اياسىندا كەڭەيتىلگەن مەموراندۋم جولدادى. بۇل جونىندە ۋكراينا پرەزيدەنتى پەتر پوروشەنكو مالىمدەدى، دەپ حابارلايدى baq.kz اقپارات اگەنتتىگى.

ول بۇۇ حالىقارالىق سوتىنىڭ 12 ماۋسىم – رەسەي كۇنىندە ۋكراينانىڭ رەسەيگە قارسى ىسىندە مەموراندۋم بەرۋدى بەلگىلەۋىن "سيمۆوليكالىق ٴمانى بار" دەپ اتادى.

"مەموراندۋمدا سوت تەرگەۋىنە كەرەك وتە كوپ دالەلدەر بار"، – دەپ جازدى پوروشەنكو facebook-تە.

ۋكراينا سىرتقى ىستەر ٴمينيسترى پاۆەل كليمكين twitter-دە مەموراندۋمنىڭ 29 تومنان، (17،5 مىڭ پاراق) تۇراتىنىن جازدى.

ۋكراينا سىرتقى ىستەر مينيسترلىگىنىڭ ەۋروپالىق ينتەگراسيا ماسەلەلەرى جونىندەگى ورىنباسارى ەلەنا زەركال ماسكەۋ "گرۋزيانىڭ رەسەيگە قارسى ىسىنە" قارسىلىق تانىتقانداي، بۇل ىسكە دە قارسى تۇراتىنىن ايتتى. ونىڭ پىكىرىنشە، بۇل ٴىستى قاراۋعا كەمىندە ٴبىر جارىم جىل ۋاقىت كەتەدى.

ازاتتىقتىڭ مالىمەتىنە قاراعاندا، كيەۆ قاڭتار ايىندا تۇسىرگەن شاعىمىندا سوتتان رەسەيدى "تەرروريزمدى قارجىلاندىردى" دەپ تانۋدى تالاپ ەتكەن بولاتىن. سونىمەن بىرگە رەسەيدى دونباسستاعى سەپاراتيستەردى قارجىلاندىرۋدى توقتاتىپ، دونەسكىدە اپاتقا ۇشىراعان مالايزيالىق "بوينگ" ۇشاعىن اتىپ تۇسىرگەنىن مويىنداپ، وتەماقى تولەۋگە مىندەتتەۋدى تالاپ ەتەدى.

بۇۇ حالىقارالىق سوتى 19 ساۋىردە ۋكراينا تالابىن جارتىلاي قاناعاتتاندىرىپ، رەسەيدى قىرىم تاتارلارى قۇقىعىنا قىسىم كورسەتپەۋىن جانە قىرىمدا ۋكراين ٴتىلىن وقىتۋعا مۇمكىندىك بەرۋىن ورىنداۋعا شاقىرعان. سول كەزدە رەسەي سىرتقى ىستەر مينيسترلىگى بۇۇ حالىقارالىق سوتىنىڭ ۋكراينانىڭ "قىرىم مارتەبەسى تۋرالى" شاعىمىن قولداماعانىن "ماڭىزدى ۇستانىم" دەپ اتاعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي