BAQ.kz - Қазақстан жаңалықтары USD 343.06 BAQ.kz - Қазақстан жаңалықтары EUR 402.38 BAQ.kz - Қазақстан жаңалықтары RUB 5.49
استانا:

تۇركيادا جاڭا ۇكىمەت قۇرامى جاريالاندى

فوتو: ukrinform.ru

رەجەپ تايىپ ەردوعان تۇركيا ۇكىمەتىنىڭ جاڭا قۇرامىن جاريالادى، دەپ حابارلايدى baq.kz اقپارات اگەنتتىگى ukrinform.ru سايتىنا سىلتەمە جاساپ.

قارجى ٴمينيسترى بولىپ پرەزيدەنتتىڭ كۇيەۋ بالاسى بەرات البايراك تاعايىندالدى. البايراك بۇعان دەيىن ەنەرگەتيكا جانە تابيعي رەسۋرستار ٴمينيسترى بولىپ قىزمەت ەتكەن.

ٴبىرىنشى ۆيسە-پرەزيدەنت لاۋازىمىنا فۋات وكتاي، ال قورعانىس ٴمينيسترى بولىپ باس شتابتىڭ بۇرىنعى باسشىسى حۋلۋسي اكار تاعايىندالدى.

ەستەرىڭىزگە سالا كەتەيىك، كەشە انكارادا تۇركيادا پرەزيدەنتى رەجەپ تايىپ ەردوعاننىڭ يناۋگۋراسياسى ٴوتتى. وسى كۇنى ەلدە پرەزيدەنت بيلىگىن كۇشەيتكەن جاڭا كونستيتۋسيا كۇشىنە ەندى. انت قابىلداۋ كەزىندە ول جاڭا ۇكىمەتتىڭ العاشقى وتىرىسى 13 شىلدەدە وتەتىنىن ايتتى. ەردوعان 2018 جىلى 24 ماۋسىمداعى سايلاۋدى جەڭىسكە جەتىپ، بەس جىلعا پرەزيدەنت بولىپ سايلاندى. جاڭا كونستيتۋسياعا ساي پرەزيدەنتتىڭ وكىلەتتىلىگى ارتىپ، پرەمەر-مينيستردىڭ مىندەتتەرى ازايعان.

«ۇكىمەتتىڭ جاڭا قۇرامىنىڭ جۇمىسى جەمىستى بولاتىنىنا سەنىمدىمىن. بۇل پرەزيدەنتتىك باسقارۋ جۇيەسى كەزىندە سايلانعان العاشقى مينيسترلەر كابينەتى»، - دەدى تۇركيا پرەزيدەنتى رەجەپ تايىپ ەردوعان.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي