USD 335.71 EUR 357.36 RUB 5.23
استانا:

تۇرىكمەنستاندا پرەزيدەنت سايلاۋى 12 اقپاندا وتەدى

تۇركىمەنستان ٴماجىلىسى (پارلامەنت) پرەزيدەنت سايلاۋىن 2017 جىلدىڭ 12 اقپانىنا بەلگىلەدى. پرەزيدەنت سايلاۋىنا ٴۇش ساياسي پارتيا: تۇركىمەنستاننىڭ دەموكراتيالىق پارتياسى، ونەركاسىپ پارتياسى جانە اگرارلىق پارتيا قاتىساتىنى حابارلاندى.

تۇركىمەنستان پرەزيدەنتى گۋربانگۋلى بەردىمۇحامەدوۆ ۇكىمەت پەن مەملەكەتتىك قاۋىپسىزدىك كەڭەسىنىڭ بىرلەسكەن وتىرىسىندا ەل باسشىلىعىن الداعى سايلاۋعا دايىندالۋدى تاپسىردى. ونىڭ ايتۋىنشا، "وتە ماڭىزدى قوعامدىق-ساياسي وقيعا جوعارى دەڭگەيدە - دەموكراتيالىق قاعيدالارعا ساي جانە بىرنەشە ۇمىتكەردىڭ قاتىسۋىمەن ٴوتۋى ٴتيىس".

سوڭعى مارتە تۇركىمەنستان پرەزيدەنتىن سايلاۋ 2012 جىلى اقپان ايىندا ٴوتتى. سول كەزدە گۋربانگۋلى بەردىمۇحامەدوۆكە بارلىق سايلاۋشىلاردىڭ 97،14 پايىزى داۋىس بەردى.

تۇركىمەنستان پارلامەنتى 2016 جىلدىڭ 14 قىركۇيەگىندە ەلدىڭ جاڭا كونستيتۋسياسىن قابىلدادى. ول بويىنشا، پرەزيدەنتتىك باسقارۋ مەرزىمى بەس جىلدان جەتى جىلعا دەيىن ۇزارتىلدى. سونىمەن بىرگە زاڭدا ۇمىتكەر جاسى 70-تەن اسپاۋ تۋرالى شەكتەۋ الىپ تاستالىندى. "ەسكى" كونستيتۋسيا بويىنشا، تۇركىمەنستان پرەزيدەنتى گۋربانگۋلى بەردىمۇحامەدوۆتىڭ قىزمەت مەرزىمى 2017 جىلدىڭ اقپانىندا اياقتالادى.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي