BAQ.kz - Қазақстан жаңалықтары USD 370.55 BAQ.kz - Қазақстан жаңалықтары EUR 421.76 BAQ.kz - Қазақстан жаңалықтары RUB 5.57
استانا:

تۇرىكمەنستاندا اۆتوبۋس اپاتىنان كەم دەگەندە 17 ادام مەرت بولدى

فوتو: 365Info

سەنبى، 14 ساۋىردە تۇرىكمەنستاندا جول اپاتىنان كەم دەگەندە 17 ادام قازا تاپتى. وقيعا چۋلي شاتقالىندا بولعان، دەپ حابارلايدى baq.kz اقپارات اگەنتتىگى.

تۇرىكمەنستاندا گەوكدەرە دەگەن اتپەن تانىمال بۇل دەمالىس مەكەنى اشحابادتان 20 شاقىرىم جەردە ورنالاسقان.

دەرەككوز مالىمەتىنە قاراعاندا، اپاتتان زارداپ شەككەندەر سانى جەكسەنبى كۇنى تاڭەرتەڭ 17 ادام بولعان. ناقتى قانشا ادام جارالانعانى تۋرالى مالىمەت جوق.

جول پوليسياسى اۆتوبۋس لىق تولى بولعاندىقتان جانە اۋا رايى قولايسىزدىعىنان اپاتقا ۇشىراعان دەپ بولجايدى. جولاۋشى تولى اۆتوبۋس ىلعال اسفالتتەن شەتكە شىعىپ كەتىپ، اۋدارىلىپ تۇسكەن بولۋى مۇمكىن.

چۋلي شاتقالىندا كوبىنە مەملەكەتتىك مەكەمە قىزمەتكەرلەرى دەمالاتىن ورىندار جانە بالالار لاگەرلەرى ورنالاسقان. جىلدىڭ بۇل مەزگىلىندە وندا ٴتۇرلى مەكەمە قىزمەتكەرى مەن تۋريست بارادى.

بيلىك پەن رەسمي باق، ادەتتەگىدەي، جول اپاتى مەن زارداپ شەككەندەر تۋرالى ەشقانداي مالىمەت تاراتپادى. اپات بولعان اۋدان قورشاۋعا الىنعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي