BAQ.kz - Қазақстан жаңалықтары USD 339.95 BAQ.kz - Қазақстан жаңалықтары EUR 392.64 BAQ.kz - Қазақстан жаңалықтары RUB 5.3
استانا:

ترامپ تيللەرسوننىڭ ورىنباسارىن دا قىزمەتىنەن بوساتتى

رەكس تيللەرسون ٴوزىنىڭ وتستاۆكاعا كەتەتىنىن ترامپتىڭ تۆيتتەردەگى بلوگىنان بىلگەن، دەپ حابارلايدى baq.kz اقپارات اگەنتتىگى korrespondent.net سايتىنا سىلتەمە جاساپ.

اقش پرەزيدەنتى دونالد ترامپ مەملەكەتتىك حاتشى رەكس تيللەرسونمەن بىرگە ونىڭ ورىنباسارى ستيۆ گولدشتەيندى دە قىزمەتىنەن بوساتتى. جۋرناليستەرگە تيللەرسوننىڭ وتستاۆكاسىنىڭ ٴمان-جايى تۋرالى ٴبىرىنشى بولىپ گولدشتەين ايتقان ەدى.

مۇنىڭ الدىندا ترامپ تيللەرسونمەن ونىڭ وتستاۆكاعا كەتۋى تۋرالى سويلەسكەنىن ايتتى. الايدا گولدشتەيننىڭ ايتۋىنشا، تيللەرسون ٴوزىنىڭ وتستتاۆكاعا كەتەتىنى تۋرالى ترامپتىڭ بلوگىنا دەيىن بىلمەگەن.

ترامپ پەن تيللەرسوننىڭ ٴوزارا تۇسىنىسە الماي جۇرگەندەرى باق ٴۇشىن دە، مەملەكەت بيلىگىندەگىلەر ٴۇشىن دە قۇپيا ەمەس. ترامپقا مەملەكەتتىك حاتشىنىڭ سكەپتيكالىق كوزقاراسى مەن سىرتقى ساياساتقا قاتىستى وزىندىك پىكىرى ۇنامايتىن ەدى. سونداي-اق، رەكس تيللەرسون دە كوپ ماسەلەدە ترامپتىڭ ارەكەتتەرىن قۇپتامايتىنىن جاسىرماعان.

ەستەرىڭىزگە سالا ەتسەك، 13 ناۋرىز كۇنى ترامپ رەكس تيللەرسوندى وتستاۆكاعا جىبەرىپ، ونىڭ ورنىنا سرۋ ديرەكتورى مايك پومپەونى قويعان ەدى. ال سرۋ-دى تاريحتا العاش رەت ايەل باسقاراتىن بولدى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي