BAQ.kz - Қазақстан жаңалықтары USD 360.71 BAQ.kz - Қазақстан жаңалықтары EUR 411.53 BAQ.kz - Қазақстан жаңалықтары RUB 5.38
استانا:

ترامپ سولتۇستىك كورەياعا قارسى سانكسيالاردى الىپ تاستاۋعا نيەتتى ەكەنىن ايتتى 

اقش پرەزيدەنتى دونالد ترامپ كحدر كيم چەن ىنعا ەكى ەل اراسىنداعى قارىم-قاتىناستى ودان ٴارى جاقسارتۋ ماقساتىندا پحەنيانعا قارسى سانكسيالاردى الىپ تاستاۋعا نيەتتى ەكەنىن ايتتى، دەپ حابارلايدى baq.kz اقپارات اگەنتتىگى كورەي ورتالىق تەلەگراف اگەنتتىگىنە سىلتەمە جاساپ.

سولتۇستىككورەيالىق اگەنتتىكتىڭ مالىمەتىنشە، ترامپ وسى ديالوگ كەزىندە كحدر ارانداتۋ دەپ سانايتىن اقش پەن وڭتۇستىك كورەيانىڭ بىرلەسە اسكەري بايلانىسىن توقتاتىپ، سونداي-اق سولتۇستىك كورەياعا ٴوزارا قارىم-قاتىناستى ودان ٴارى جاقسارتۋ اياسىندا قاۋىپسىزدىككە كەپىلدىك بەرۋ مەن وعان قارسى سانكسيالاردى الىپ تاستاۋعا نيەتتى ەكەنىن ايتقان.

ەسكە سالا كەتسەك، 12 ماۋسىمدا سينگاپۋردە اقش پەن سولتۇستىك كورەيا ليدەرلەرىنىڭ تاريحي كەزدەسۋى ٴوتتى.

كەلىسسوزدەردىڭ ناتيجەسىندە ترامپ پەن كيم چەن ىن ٴبىرقاتار قۇجاتتارعا قول قويدى. سونىڭ ىشىندە ۆاشينگتون پحەنيانعا قاۋىپسىزدىككە كەپىلدىك بەرسە، ال ٴوز كەزەگىندە كورەي تۇبەگىندە اسكەري ارسەنالىن قىسقارتاتىنىن راستادى.

سونداي-اق، ترامپ سولتۇستىك كورەياعا قارسى سانكسيالاردىڭ ازىرگە كۇشىندە ەكەنىن اتاپ وتكەن بولاتىن.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي