BAQ.kz - Қазақстан жаңалықтары USD 359 BAQ.kz - Қазақстан жаңалықтары EUR 420.1 BAQ.kz - Қазақстан жаңалықтары RUB 5.41
استانا:

ترامپ رەكس تيللەرسوندى اقش مەملەكەتتىك حاتشىسى قىزمەتىنەن بوساتتى

اقش پرەزيدەنتى دونالد ترامپ مەملەكەتتىك حاتشى رەكس تيللەرسوندى وتستاۆكاعا جىبەرگەنىن مالىمدەدى. مەملەكەتتىك دەپارتامەنتتىڭ ديرەكتورى بولىپ سرۋ ديرەكتورى مايك پومپەو تاعايىندالدى. ال سرۋ-دى العاش رەت تاريحتا ايەل ادام باسقاراتىن بولدى، دەپ حابارلايدى baq.kz اقپارات اگەنتتىگى bbc.com سايتىنا سىلتەمە جاساپ.

ترامپ ٴوزىنىڭ تۆيتتەر جەلىسىندەگى پاراقشاسىندا اقش مەملەكەتتىك حاتشىسىن وتستاۆكاعا جىبەرىپ، ونىڭ ورنىنا سرۋ باسشىسى پومپەونى تاعايىنداعانىن جازدى. سەيسەنبى كۇنى تيللەرسوننىڭ وتستاۆكاعا كەتەتىنى تۋرالى اقپاراتتى washington post گازەتى جاريالاعان ەدى.

«سرۋ ديرەكتورى مايك پومپەو ٴبىزدىڭ جاڭا مەملەكەتتىك حاتشىمىز بولادى. ونىڭ بۇل جۇمىستى وتە جاقسى الىپ جۇرە الاتىنىنا سەنىمدىمىن! رەكس تيللەرسونعا قىزمەتى ٴۇشىن كوپ راحمەت! ال سرۋ-دى دجينا حەسپەل باسقاراتىن بولدى. ول - سرۋ-دى باسقاراتىن تاريحتاعى العاشقى ايەل. بارلىقتارىڭىزدى قۇتتىقتايمىن!» - دەپ جازدى ترامپ.

وسى ۋاقىتقا دەيىن امەريكالىق باق دونالد ترامپ پەن رەكس تيللەرسون اراسىندا تۇسىنبەستىكتەر بولىپ جاتقانى تۋرالى جازعان ەدى. ال مەملەكەتتىك حاتشىنىڭ ٴوزى بۇل اقپاراتتى كوپكە دەيىن جوققا شىعارىپ، قارىم-قاتىناستارىنىڭ ويداعىداي ەكەنىن ايتىپ كەلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي