BAQ.kz - Қазақстан жаңалықтары USD 375.9 BAQ.kz - Қазақстан жаңалықтары EUR 423.56 BAQ.kz - Қазақстан жаңалықтары RUB 5.55
استانا:

ترامپ پۋتين تۋرالى: ول جاي عانا رەسەيدىڭ پرەزيدەنتى

اقش پرەزيدەنتى دونالد ترامپ 16 شىلدەدە حەلسينكيدە وتەدى دەپ جوسپارلانعان رەسەي پرەزيدەنتى ۆلاديمير پۋتينمەن كەزدەسۋگە قاتىستى جۋرناليستەردىڭ سۇراعىنا جاۋاپ بەردى، دەپ حابارلايدى baq.kz اقپارات اگەنتتىگى.

دونالد ترامپ ەۋروپاعا ساپارى كەزىندە ۆلاديمير پۋتينمەن كەزدەسۋ الدەقايدا جەڭىل بولاتىن سياقتى دەپ، ٴارى ول دوسىنا اينالۋى مۇمكىن دەپ ۇمىتتەنەتىنىن ايتتى. ترامپ ناتو بويىنشا وداقتاس ەلدەر باسشىلارى ٴوزىنىڭ پۋتينمەن كەزدەسۋىن قولدايتىنىن ايتتى.

"ول (پۋتين - رەد.) مەنىڭ دوسىم ەمەس، مەن ونى جاقسى بىلمەيمىن ٴارى ول مەنىڭ دۇشپانىم دا ەمەس. ول جاي عانا رەسەيدىڭ پرەزيدەنتى"، – دەدى ترامپ.

قىرىمعا قاتىستى سۇراققا جاۋابىندا ترامپ تۇبەك وزىنە دەيىنگى پرەزيدەنت باراك وبامانىڭ كەزىندە اننەكسيالانعانىن تاعى قايتالادى.

"مەن مۇنداي وقيعاعا جول بەرەر مە ەدىم؟ جوق، جول بەرمەس ەدىم. ەندى قىرىمنىڭ جاعدايى قالاي بولاتىنىن مەن ايتا المايمىن. ٴبىراق قىرىمداعى جاعدايعا كوڭىلىم تولمايدى"، – دەدى ٴاقۇي باسشىسى.

رەسەي جانە اقش پرەزيدەنتتەرى 16 شىلدەدە حەلسينكيدە كەزدەسەدى. ۆلاديمير پۋتين مەن دونالد ترامپ ەكىجاقتى ىنتىماقتاستىق پەن سيرياداعى جانە ۋكراينا شىعىسىنداعى جاعدايدى تالقىلايدى دەپ جوسپارلانىپ وتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي