BAQ.kz - Қазақстан жаңалықтары USD 365.49 BAQ.kz - Қазақстан жаңалықтары EUR 420.35 BAQ.kz - Қазақстан жаңалықтары RUB 5.6
استانا:

ترامپ پەن كيم كەلىسىمگە قول قويدى. وندا نە ايتىلعان؟

فوتو: GETTY IMAGES

اقش پرەزيدەنتى دونالد ترامپ پەن سولتۇستىك كورەيا ليدەرى كيم چەن ىن سينگاپۋردەگى تاريحي سامميت قورىتىندىسى بويىنشا دەكلاراسياعا قول قويىپ، ونىڭ ٴماتىنىن جۋرناليستەرگە جاريا ەتتى دەپ حابارلايدى baq.kz اقپارا اگەنتتىگى ۆۆس-گە سىلتەمە جاساپ.

دەكلاراسيادا نەگىزگى ٴتورت پۋنكت بار:

  • اقش پەن كحدر ەكى ەل اراسىنداعى قارىم-قاتىناستى بۇل مەملەكەتتەر حالىقتارىنىڭ بەيبىتشىلىك جانە گۇلدەنۋ تىلەگىنە سايكەس دامىتۋعا مىندەتتەمە الادى.
  • اقش پەن كحدر كورەي تۇبەگى تەرريتورياسىندا تۇراقتى جانە ۇزاق مەرزىمدى بەيبىتشىلىك ورناتۋعا بىرلەسە كۇش سالادى.
  • كحدر كورەي تۇبەگىن يادرولىق قارۋسىزداندىرۋ جونىندەگى 2018 جىلدىڭ 27 ساۋىرىندە قول قويىلعان پحانمۋندجوم دەكلاراسياسىن ۇستاناتىنىن راستايدى.
  • اقش پەن كحدر اسكەري تۇتقىنداردىڭ ٴمايىتىن، ونىڭ ىشىندە كىم ەكەنى انىقتالعان مايىتتەردى قايتارۋ جونىندە مىندەتتەمەلەر الادى.

مۇنىمەن قاتار قۇراما شتاتتار يادرولىق قارۋدى تاستاۋعا كەلىسكەنى ٴۇشىن كيم چەن ىننىڭ جەكە قاۋىپسىزدىگىنە كەپىلدىك بەرەدى.

«پرەزيدەنت ترامپ كحدر-عا قاۋىپسىزدىك كەپىلدىگىن بەرۋگە ۋادە ەتتى، ال ٴتوراعا كيم چەن ىن كورەي تۇبەگىن قارۋسىزداندىرۋعا شىنىمەن نيەتتى ەكەنىن راستادى» دەلىنگەن ەكى ليدەردىڭ بىرلەسكەن مالىمدەمەسىندە.

قۇجاتتا سولتۇستىك كورەيا يادرولىق قارۋدى قالاي تاستايتىنى تۋرالى ناقتى ايتىلماعان. وندا سولتۇستىك كورەياعان سالىنعان سانكسيالار تۋرالى دا ٴسوز جوق.

سونىمەن قاتار كەلىسىمدە سولتۇستىك كورەيا مەن وڭتۇستىك كورەيا اراسىندا بەيبىت كەلىسىم جاساۋ ماسەلەسى دە ايتىلماعان. ميلليونداعان ادامنىڭ قانى توگىلگەن 1950-53 جىلدارداعى كورەيا سوعىسىنا قاتىسقان ەلدەر بۇگىندە فورمالدى تۇردە سوعىس جاعدايىندا تۇر.

ترامپ پەن كيم كەزدەسۋ ناتيجەسىنە رازى

اقش پرەزيدەنتى كەزدەسۋدى اسا ماڭىزدى جانە جەتكىلىكتى دارەجەدە مازمۇندى دەپ باعالادى.

ول كيمدى اق ۇيگە شاقىراتىنىن ايتتى.

بىرلەسكەن دەكلاراسياعا قول قويۋ كەزىندە كيم چەن ىن كەزدەسۋدى تاريحي دەپ باعالاپ، وتكەندى ارتتا قالدىرۋعا نيەتتى ەكەنىن مالىمدەدى. ول وسى كەزدەسۋدىڭ وتكەنى ٴۇشىن ترامپقا العىس ايتتى.

قىتاي سىرتقى ىستەر مينيسترلىگى سامميت قورىتىندىسى تۋرالى مالىمدەمە جاساپ، ونى جاڭا تاريح جاساۋشى وقيعا دەپ باعالادى.

مينيسترلىك وكىلى قول قويىلعان كەلىسىمگە بايلانىستى ەندى سولتۇستىك كورەياعا سالىنعان سانكسيالاردى جۇمسارتۋ ماسەلەسىن قاراۋعا بولاتىنىن ايتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي