BAQ.kz - Қазақстан жаңалықтары USD 369.98 BAQ.kz - Қазақстан жаңалықтары EUR 428.7 BAQ.kz - Қазақстан жаңалықтары RUB 5.64
استانا:

ترامپ پەن كيم العاشقى كەزدەسۋ ٴۇشىن سينگاپۋرگە كەلدى

فوتو: SINGAPORE/MOCI

سولتۇستىك كورەيا باسشىسى كيم چەن ىن مەن اقش پرەزيدەنتى دونالد ترامپ ەكى ەل ليدەرلەرىنىڭ العاشقى كەزدەسۋىن وتكىزۋ ٴۇشىن سينگاپۋرگە كەلدى. ساراپشىلار بۇل سامميتتە ناقتى قانداي ماسەلەلەر تالقىلاناتىنى جانە ناتيجەسى تۋرالى كوپ نارسە ايقىن ەمەس ەكەنىن ايتادى. ايتسە دە كەزدەسۋ قارساڭىندا سولتۇستىك كورەيانىڭ مەملەكەتتىك باسىلىمى پحەنياننىڭ ۆاشينگتونمەن جاڭا قارىم-قاتىناس ورناتۋى مۇمكىن ەكەنىن جازدى. بۇل تۋرالى ۆۆس حابارلايدى.

ەكى ليدەر دە سينگاپۋرگە جەكسەنبى كۇنى كەلدى. ترامپ كوپتەن كۇتكەن كەزدەسۋگە قاتىستى ٴوزىنىڭ جاقسى كوڭىل-كۇيدە ەكەنىن جانە بۇل سامميت ناتيجەسىندە كيم مىرزا يادرولىق قارۋدى تاستاۋ پروسەسىن باستايدى دەپ ۇمىتتەنەتىنىن ايتتى.

دونالد ترامپ پەن كيم چەن ىن بىر-بىرىنەن ونشا الىس ەمەس ەكى وتەلگە ٴتۇستى. ولار سەيسەنبى كۇنى سينگاپۋردان بىرنەشە ٴجۇز مەتر جەردەگى تانىمال تۋريستىك ارال سەنتوزادا كەزدەسەدى.

وڭتۇستىك كورەيانىڭ yonhap اقپارات اگەنتتىگى حابارلاعانداي، ەكى ەلدىڭ جەتەكشى ديپلوماتتارى ليدەرلەرگە ۇسىناتىن كەلىسىم قۇجاتىن دايىنداۋ ٴۇشىن دۇيسەنبى كۇنى كەزدەسەدى.

سولتۇستىك كورەيانىڭ باسىلىمدارى ادەتتە باسشىلاردىڭ ٴىس-قيمىلى تۋرالى ونلاين رەجيمدە حابارلامايدى. بۇل سامميت جايىندا ولار تام-تۇمداپ قانا اقپارات بەرىپ جاتىر.

ٴبىراق rodon sinmun گازەتىنىڭ باس ماقالاسىندا كيم چەن ىننىڭ ترامپپەن كەزدەسۋ ٴۇشىن سينگاپۋرگە بارعانى ايتىلادى.

«بۇعان دەيىن بىزبەن دۇشپاندىق قارىم-قاتىناستا بولعانىنان قاراماستان، ٴبىز ديالوگ ارقىلى بايلانىستاردى رەتتەۋدىڭ جولدارىن ىزدەيمىز» دەلىنگەن وندا.

كەلىسسوزدەردىڭ باستى تاقىرىبى كورەيا تۇبەگىن يادرولىق قارۋسىزداندىرۋ بولماق. اقش سولتۇستىك كوريانىڭ يادرولىق قارۋدان باس تارتقانىن قالايدى. ٴبىراق سولتۇستىك كورەيا بۇعان قارسىلىق بىلدىرەدى دەگەن بولجام بار جانە قارۋدان باس تارتقان كۇندە ورنىنا نە تالاپ ەتەتىنى بەلگىسىز.

اعىلشىن تىلىنەن اۋدارعان التىناي قۋانىشبەك


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي