BAQ.kz - Қазақстан жаңалықтары USD 343.83 BAQ.kz - Қазақстан жаңалықтары EUR 383.95 BAQ.kz - Қазақстан жаңалықтары RUB 5.06
استانا:

ترامپ اقش-تىڭ يران يادرولىق مامىلەسىنەن شىعۋ شارتىن اتادى

ترامپتىڭ يرانمەن كەلىسىمدەگى جاھاندىق وزگەرتۋلەر تۋرالى تالاپتارى ورىندالماسا، اقش اتالعان مامىلەدەن شىعادى، دەپ حابارلايدى baq.kz اقپارات اگەنتتىگى كوررەسپوندەنت پورتالىنا سىلتەمە جاساپ.

ەگەر، ۇلىبريتانيا، فرانسيا مەن گفر كەلىسىمدە ماڭىزدى وزگەرىستەرگە قول جەتكىزبەسە، اقش يرانمەن اراداعى يادرولىق مامىلەدەن شىعۋى مۇمكىن. بۇل جونىندە اقش پرەزيدەنتى دونالد ترامپ يزرايل پرەمەر-مينيسترى بەنيامين نەتانياحۋمەن كەزدەسۋ بارىسىندا مالىمدەدى.

ٴمالىم بولعانداي، ترامپ پەن نەتانياحۋ 5 ناۋرىز كۇنى اقۇيدە كەزدەسكەن جانە كەزدەسۋ بارىسىندا يران ماسەلەسىنە باسىمدىلىق تانىتقان.

اقش پرەزيدەنتىنىڭ ايتۋىنشا، ەو ەلدەرى يرانمەن كەلىسىمدە تەك ٴۇستىرتىن وزگەرىستەر عانا ۇسىنىپ وتىر. سول سەبەپتى، ەگەر، ونىڭ تالاپ ەتىپ وتىرعان اۋقىمدى وزگەرىستەرى ورىندالماسا، اقش اتالعان مامىلەدەن شىعادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي