BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

تەرروريستەردىڭ وتباسى يندونەزيادا 7 ادامدى ٴولتىردى

ەرلى-زايىپتى ٴتورت بالاسىن تەرروريستىك ماقساتتا قولدانىپ، يندونەزيانىڭ سۋرابايا قالاسىندا 3 شىركەۋگە شابۋىل جاسادى. سالدارىنان 7 ادام قازا تاپتى. بۇل تۋرالى baq.kz اقپارات اگەنتتىگى cnn باسىلىمىنا سىلتەمە جاساپ حابارلايدى.

بۇل وتباسىندا 9 جانە 12 جاسار ەكى قىز بالا تاربيەلەنىپ وتىرعان. ٴتارتىپ ساقشىلارىنىڭ باسشىسى، گەنەرال تيتو كارناۆياننىڭ حابارلاۋىنشا، انالارى ەكى قىزىنىڭ جانىندا تۇرىپ، جارىلعىش زاتتى جارىپ جىبەرگەن. ال ەكى ۇلى باسقا شىركەۋگە شابۋىلداعان.

بۇعان دەيىن وز-وزدەرىنە قول جۇمساۋشى تەرروريست وتباسىنىڭ شابۋىلىنان ەڭ از دەگەندە 10 ادام قازا تاپقانى تۋرالى بولجام جاسالدى. ٴبىراق كارناۆيان پرەسس-كونفەرەنسيا كەزىندە جەتى ادامنىڭ قازا تاپقانىن حابارلادى.

41 ادام، ەكى ٴتارتىپ ساقشىسى ٴارتۇرلى جاراقاتپەن اۋرۋحاناعا جەتكىزىلدى. بۇل تۋرالى پوليسيا ٴباسپاسوز حاتشىسى فرانس بارۋنگ مانگەرا مالىمدەدى.

جارىلعىش زاتتى ىسكە قوسقان وتباسى مۇشەلەرىنىڭ ٴبارى قازا تاپتى دەيدى كارناۆيان. تەرگەۋشىلەر ەرلى-زايىپتىنىڭ jamaah ansharut daulah تەرروريستىك توبىنا مۇشە ەكەنىن بولجاپ وتىر. ول - يندونەزياداعى اتاقتى يگيل توبىنا قولداۋ تانىتاتىن تەرروريستىك توپ.

يگيل توبى «اماك» اقپاراتتىق اگەنتتىگى ارقىلى وسى ٴىس ٴۇشىن جاۋاپكەرشىلىك الاتىندارىن حابارلاعان. بۇل وقيعانى «قينالىپ جۇرگەندەردىڭ جانىن ازات ەتۋ» دەپ اتاعان، الايدا، ناقتى دالەل كەلتىرمەگەن.

كارناۆياننىڭ حابارلاۋىنشا، وسى وتباسىنىڭ وتاعاسى ديتا سوپريانتو كولىگىن يندونەزيالىق حريستيان شىركەۋىنە ايداپ كەلىپ، ايەلى پۋجاي كۋشاتتى ەكى قىزىمەن بىرگە تاستاپ كەتكەن. ولار شىركەۋگە كىرە سالا، جارىلعىش زاتتى ىسكە قوسقان.

ودان كەيىن اكەلەرى ورتالىق شىركەۋگە قاراي باعىت الىپ، شىركەۋگە كىرمەي تۇرىپ، كولىكتىڭ ىشىندە جارىلعىش زاتتى اتىپ جىبەرگەن.

ٴدال وسى ۋاقىتتا ولاردىڭ ەكى ۇلى موتوسيكلگە ٴمىنىپ الىپ، سانتا-ماريا كاتوليكتىك شىركەۋىنە بارىپ، ولار دا جارىلعىش زات اتقان. جاسىرىن كامەرالاردىڭ باقىلاۋىنداعى ۆيدەودان جارىلعىش زاتتار شامامەن جەكسەنبى كۇنى تاڭەرتەڭ ساعات 7:08-دە جارىلعانى تىركەلگەن.

تەرگەۋشىلەر بىردەن جارىلعىش زاتتاردىڭ وسى وتباسى مۇشەلەرىنىڭ دەنەلەرىنە جابىستىرىلىپ قويعانىن انىقتادى.

ٴتارتىپ ساقشىلارى ٴۇش شىركەۋدى دە ۋاقىتشا جاپتى. بۇل وتباسىنىڭ ۇيىنەن پوليسيا جارىلعىش زات ساقتالعان ٴۇش پلاستيك جاشىكتى انىقتادى. ساپەرلەر ونىڭ ىشىندەگى جارىلعىش زاتتاردى ىستەن شىعاردى. سونداي-اق، ولاردىڭ ۇيىنەن «قارا ۇنتاق» تابىلعان، ونىڭ نە ەكەنى ازىرگە بەلگىسىز.

ريم پاپاسى فرانسيسك پەن يندونەزيا سىرتقى ىستەر ٴمينيسترى رەتنو مارسۋدي وقيعادان زارداپ شەككەندەردىڭ وتباسىسىنا كوڭىل ايتتى.

ايتا كەتەرلىگى، يندونەزيا حالىق تىعىز ورنالاسقان ايماق بولىپ سانالادى. 261 ميلليون تۇرعىننىڭ 82 پايىزى - يسلام ٴدىنىن ۇستانۋشىلار. 10 پايىزعا جۋىعى – حريستياندار.

يندونەزيا ۇكىمەتى ال-كايدا جانە «دجەماا يسلاميا» تەرروريستىك توپتارىمەن كۇرەس جۇرگىزىپ كەلە جاتىر. 2000-2010 جىلدار ارالىعىندا اتالعان توپ 11 ٴىرى تەراكت ۇيىمداستىرعانىن مويىندادى. 2002 جىلى باليدە بولعان تەرروريستىك جارىلىستان 200 ادام قازا تاۋىپ، جۇزدەگەن تۇرعىن جارالانعان بولاتىن. ولاردىڭ كوپشىلىگى ەلگە كەلگەن تۋريستەر ەدى.

اعىلشىن تىلىنەن اۋدارعان

التىناي قۋانىشبەك


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي