USD 334.48 EUR 355.62 RUB 5.25
استانا:

تاجىكستاننىڭ ارنايى قىزمەتى ازاماتتاردىڭ ۇيلەرىن رۇقساتسىز تەكسەرەتىن بولدى

تاجىك پارلامەنتى «تاجىكستان ۇلتتىق قاۋىپسىزدىك ورگاندارى تۋرالى» زاڭعا وزگەرىستەر مەن تۇزەتۋلەر ەنگىزدى. تاجىكستاننىڭ مەملەكەتتىك ۇلتتىق قاۋىپسىزدىك كوميتەتىنىڭ (مۇقك) ٴتوراعاسى سايمۋمين ياتيموۆ پارلامەنتتە سويلەگەن سوزىندە زاڭعا وزگەرىستەر ەنگىزۋدىڭ سەبەبىن «تەرروريستەر قۇپيا ارەكەت ەتەدى، كۇشتىك قۇرىلىمدار دا جاسىرىن تۇردە جۇمىس ىستەۋلەرىنە تۋرا كەلەدى» دەپ تۇسىندىرگەن.

centralasian.org-تىڭ دەرەگىنشە، ياتيموۆ اتاپ وتكەندەي، «وزگەرىستەرگە سايكەس، ارنايى قىزمەت وكىلدەرى ۋاقىت تىعىز كەزدە تەرروريستەر جاسىرىنعان تۇرعىن ۇيلەرگە وردەرسىز كىرۋگە مۇمكىندىك الادى».

«تاجىكستاننىڭ زاڭدارىندا ازاماتتاردىڭ جەكە مەنشىگىنە قول سۇعۋشىلىققا ورىن بەرمەيدى دەپ جازىلعان، ٴبىراق تەرروريستىك اكتىگە ٴقاۋىپ ٴتونىپ تۇرعاندا، تۇرعىنداردىڭ ٴومىرىن ساقتاپ قالۋ ٴۇشىن ازاماتتاردىڭ رۇقساتسىنسىز ۇيلەرىن تەكسەرۋگە تۋرا كەلەدى»، - دەدى مۇقك ٴتوراعاسى.

پارلامەنت ٴماجىلىسى ٴتوراعاسىنىڭ ەگەر ۇيدە بەيبىت تۇرعىندار بولىپ شىقسا قالاي بولادى دەگەن ساۋالىنا تاجىكستان پرەزيدەنتىنىڭ كومەكشىسى تاجىكستان زاڭدارىنا سايكەس، وتەماقى تولەنەدى دەپ جاۋاپ بەردى.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي