BAQ.kz - Қазақстан жаңалықтары USD 361.94 BAQ.kz - Қазақстан жаңалықтары EUR 423.25 BAQ.kz - Қазақстан жаңалықтары RUB 5.4
استانا:

تاجىكستان مەن وزبەكستان اراداعى ۆيزالىق ٴتارتىپتى جويدى

فوتو: Sputnik Узбекистан

تاجىكستان مەن وزبەكستان پرەزيدەنتتەرى ۆيزالىق شەكتەۋلەردى جويۋ تۋرالى كەلىسىمگە كەلدى. بۇل كەلىسىمگە وزبەك ليدەرى شاۆكات ميرزييوەۆتىڭ دۋشانبەگە العاشقى مەملەكەتتىك ساپارى بارىسىندا قول قويىلدى، دەپ حابارلايدى baq.kz اقپارات اگەنتتىگى open asia پورتالىنا سىلتەمە جاساپ.

وزبەكستان پرەزيدەنتى شاۆكات ميرزييوەۆ پەن تاجىكستان پرەزيدەنتى ەمومالي راحمون سەرىكتەستىك تۋرالى ٴبىرقاتار قۇجاتقا قول قويدى. دۋشانبەدە وتكەن كەزدەسۋ بارىسىندا كوشباسشىلار ەكى ەل اراسىنداعى ۆيزالىق رەجيمدى جەڭىلدەتۋ، سونداي-اق، وزبەكستان مەن تاجىكستان اراسىنداعى اۆتوموبيلدىك، تەمىرجول جانە اۆياسيالىق حابارلامالاردى جاڭارتۋ تۋرالى كەلىسىمگە كەلدى.

تاجىكستان كوشباسشىسى اتاپ وتكەندەي، شەكاراداعى 16 باقىلاۋ-وتكىزۋ ورىندارىنىڭ بارلىعىنىڭ جۇمىسى كەزەڭ-كەزەڭىمەن قالپىنا كەلتىرىلەدى. شاۆكات ميرزييوەۆ اتاپ وتكەندەي، ەندى ەكى ەل اراسىندا ەشقانداي شەشىلمەگەن ماسەلە قالعان جوق.

«ازاماتتاردىڭ ٴوزارا جول جۇرۋلەرى تۋرالى» كەلىسىم بويىنشا ۆيزاسىز ٴتارتىپتى ەنگىزۋ 30 كۇنگە دەيىنگى مەرزىمدە جۇمىس جاسايدى. الايدا، اتالعان كەلىسىم ٴالى كۇشىنە ەنگەن جوق. ەسكە سالا كەتسەك، وزبەكستان مەن تاجىكستان اراسىنداعى ۆيزالىق ٴتارتىپ 2000 جىلى ەنگىزىلگەن بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي