USD 334.89 EUR 361.61 RUB 5.28
استانا:

تاشكەنت ەۋرازيالىق وداققا كىرۋ جوسپارى جوعىن مالىمدەدى

وزبەكستاننىڭ رەسەي باستاعان ەۋرازيا ەكونوميكالىق وداعىنا (ەاەو) كىرۋ جوسپارى جوق دەپ مالىمدەدى وزبەكستان ۇكىمەتىنىڭ وكىلى.

centralasian.org-تىڭ حابارلاۋىنشا، وزبەكستان سىرتقى ەكونوميكالىق بايلانىستار ٴمينيسترىنىڭ ورىنباسارى شاۆكات تولاگانوۆ 29 قاراشادا تاشكەنتتە جۋرناليستەرگە وزبەك ساراپشىلارى ەاەو-عا كىرۋ «وزبەكستانعا ەشقانداي ارتىقشىلىقتار اپەرمەيدى، ٴتىپتى كەيبىر تۇستاردا زيان شەكتىرەدى» دەگەن قورىتىندى جاساعانىن ايتتى.

تولاگانوۆ 4 جەلتوقساندا وتەتىن پرەزيدەنت سايلاۋىنا كانديداتتار سىرتقى ساياساتتى «باقيلىق بولعان پرەزيدەنت يسلام كاريموۆتىڭ نۇسقاۋى بويىنشا تۇزەتىنىن» ەندىگى مالىمدەپ قويعانىن ايتتى. كرەملدىڭ ينتەگراسيالىق باستامالارىن قولداماعان يسلام كاريموۆتىڭ قايتىس بولعانى 2 قىركۇيەكتە حابارلانعان.

رەسەي پرەزيدەنتى ۆلاديمير پۋتين ارمەنيا، بەلارۋس، قازاقستان جانە قىرعىزستان دا مۇشە ەاەو-نى ماسكەۋدىڭ بۇرىنعى سوۆەت وداعى اۋماعىنداعى ىقپالىن نىعايتۋ ٴۇشىن جانە ەۋروپا وداعى مەن ناتو-عا قارسى تۇرۋعا پايدالانعىسى كەلەدى.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي