BAQ.kz - Қазақстан жаңалықтары USD 356.54 BAQ.kz - Қазақстан жаңалықтары EUR 419.43 BAQ.kz - Қазақстан жаңалықтары RUB 5.42
استانا:

سوڭعى ساتىداعى راك اۋرۋىنىڭ الدىن الۋ ٴتاسىلى انىقتالدى

اقش-تاعى تۋلەين ۋنيۆەرسيتەتىنىڭ عالىمدارى قولدانىستا جۇرگەن دارى-دارمەكتەردىڭ بىرنەشە ٴتۇرى قاتەرلى ىسىكتەردىڭ تەرمينالدىق ساتىسىنا ٴتان مەتاستازداردىڭ پايدا بولۋىنا قارسى ارەكەت ەتە الاتىنىنىن دالەلدەپ وتىر. انىقتالعان دەرەكتەرگە سايكەس، بۇل قوسىلىستار قاتەرلى جاسۋشالار اراسىندا ەكزوسومالار ارقىلى حيميالىق سيگنالداردىڭ بەرىلۋىنە جول بەرمەيدى. بۇل تۋرالى medicalxpress-كە سىلتەمە جاساپ lenta.ru جازادى، دەپ حابارلايدى baq.kz اقپارات اگەنتتىگى.

ەكزوسومالار - ٴليپيدتى مەمبرانادان جانە قۇرامىنداعى بەلوكتار مەن رنق مولەكۋلالاردان قۇرالعان ميكروسكوپيالىق ۆەسيكۋلدار. سونداي-اق، راك كلەتكالارى ارقىلى شىعارىلعان ەكزوسومالاردا ىسىكتەردىڭ ٴوسۋىن ىنتالاندىراتىن زاتتار بار. ماسەلەن، ۆەرسيكۋلالار ونكوگەندەردى كورشى ۇياشىقتارعا تاسىمالداۋعا، سوڭعىلاردىڭ پروليفەراسياسىن جاقسارتۋعا نەمەسە ىسىكتەردىڭ قاتەرلى جاسۋشالاردىڭ ەنۋىنە وسال بولىپ تابىلاتىن تىندەردى جاسايتىن پروتەيندەردى (مىسالى، mt1-mmp) تاسىمالداۋى مۇمكىن. سونىمەن قاتار، ەكزوسومالاردا يممۋندىق جۇيەنىڭ بەلسەندىلىگىن تەجەيتىن سيگنالدى فاكتورلارى بولۋى ىقتيمال.

ۋنيۆەرسيتەت عالىمدارى 4580 تانىمال فارماكولوگيالىق بەلسەندى قوسىلىستار مەن fda ماقۇلداعان دارى-دارمەككە تالداۋ جۇرگىزگەن. ناتيجەسىندە انتيبيوتيكتەردى، انتيگەندى جانە قابىنۋعا قارسى زاتتاردى قوسا ەسەپتەگەندە ولاردىڭ 22 ٴتۇرى قاتەرلى ىسىك جاسۋشالارىنىڭ ەكزوسومالارىن بوساتۋعا كەدەرگى كەلتىرىپ، ىسىكتەردىڭ دامۋىن تەجەيتىنى انىقتالعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي