BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

سيرياداعى قازاقستاندىقتار كومەك سۇراۋدا

فوتو: riafan.ru

سيريادا بوسقىندار لاگەرىندەگى احۋالدى بەينەلەيتىن كورىنىستەردى سوندا جۇرگەن قازاقستان ازاماتتارى ۇيالى تەلەفوندارىنا ٴتۇسىرىپ، جولداعان، دەپ حابارلايدى baq.kz اقپارات اگەنتتىگى 24kz سايتىنا سىلتەمە جاساپ.

بىزگە بەلگىلى بولعانى، 7 قازاقستاندىق جانە جالپى سانى 16 بالا بار، سەگىز ايدان بەرى سول جاقتى مەكەن ەتەدى. «حابار 24» ارناسىنا بايلانىسقا شىققان ايەل ٴوزىن تانىستىردى. ونىڭ ايتۋىنشا، سيرياعا 4 جىل بۇرىن كەتكەن. ماقساتى – قىزى مەن نەمەرەسىن الىپ قايتۋ ەكەن. كۇيەۋ بالاسى سول جاقتا ولگەن. ٴقازىر سابيرا قىزى جانە نەمەرەسىمەن، تاعى دا وزگە قازاقستاندىقتار كۇرد جاساعىنىڭ يەلىگىندەگى اۋماقتا، بوسقىندار لاگەرىندە تۇرىپ جاتىر. سابيرانىڭ سوزىنەن بەلگىلى بولعانداي، قازاقستان ازاماتتارى ورال مەن اقتوبەدەن، الماتى مەن جەزقازعاننان كەلگەن ەكەن. تۇرمىستارى ٴماز ەمەس، قيىن جاعدايدا ٴومىر ٴسۇرىپ جاتىر.

بوسقىندار لاگەرىندە جۇرگەن ايەلدەردىڭ ٴبىرى تەلەفون ۇستاۋدىڭ ٴارى قولدانۋدىڭ ٴوزى مۇڭ ەكەنىن حابارلادى. بايلانىسقا شىعۋعا قاتاڭ تىيىم سالىنعان. جەكە باسىنا ٴقاۋىپ تونەتىنەن بىلە وتىرىپ، جان-ايقايىن جەتكىزۋ ٴۇشىن باسىن قاتەرگە تىگىپ، وسى مالىمەتتى ٴبىزدىڭ رەداكسياعا جولداپتى.

«حابار 24» ارناسى ماسەلەنىڭ ٴمان-جايىن ٴتۇسىندىرىپ بەرۋدى ٴوتىنىپ، ەلىمىزدىڭ سىرتقى ىستەر مينيسترلىگى مەن ۇلتتىق قاۋىپسىزدىك كوميتەتىنە رەسمي حات جولدادى. شامداعى جەرلەستەرىمىزدىڭ تاعدىرى ٴبىزدى بەي-جاي قالدىرمايدى، ۇنەمى نازاردا ۇستاپ، بىلگەن اقپاراتپەن بىردەن بولىسەمىز.

ايتا كەتەيىك، 2018 جىلدىڭ شىلدە ايىنداعى مالىمەتكە ساي تاياۋ شىعىستاعى لاڭكەستىك ۇيىمداردىڭ بەكىنىستەرىنەن قازاقستانعا 193 ادام قايتارىلعان. ونىڭ ٴ80-نى – بالالار. بۇل – ۇلتتىق قاۋىپسىزدىك كوميتەتى كەلتىرگەن دەرەك. سونداي-اق سيريا مەن يراككا اتتانعان قازاقستاندىقتاردىڭ سانى 800-گە جۋىق ەكەنى بەلگىلى. قارۋلى قاقتىعىس باستالعالى بەرى ولاردىڭ 250-دەن استامى قازا تاپقان. ال ەلگە قايتارىلعاندارىمەن ٴتيىستى ماماندار جۇمىس ىستەپ جاتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي