USD 334.31 EUR 355.17 RUB 5.31
استانا:

ساۋد ارابياسىندا تۇڭعىش رەت كارول وتباسىنىڭ مۇشەسى ٴولىم جازاسىن تارتتى

فوتو: © РИА Новости. Александр Юрьев

ساۋد ارابياسىندا تۇركي بين ساۋد ال-كابير ەسىمدى حانزاداعا قاتىستى ٴولىم جازاسى ورىندالدى. وسىلايشا، مونارحيا تاريحىندا تۇڭعىش رەت كارول وتباسىنىڭ مۇشەسى ٴولىم جازاسىن تارتتى، دەپ حابارلايدى baq.kz.

ٴولىم جازاسىنىڭ ورىندالعانى تۋرالى اقپاراتتى ەلدىڭ سىرتقى ىستەر مينيسترلىگى حابارلادى، دەپ جازادى uaeinside.com. ال-كابيرگە قاتىستى ۇكىمدى ساۋد ارابياسىنىڭ جوعارعى جانە اپەللياسيالىق سوتى بەكىتتى، ال ونىڭ جازاسى كورول جارلىعىمەن سانكسيالاندى.

ەستەرىڭىزگە سالا كەتەيىك، 2014 جىلى سوت حانزادا تۇركي بين ساۋد ال-كاريبتى ەر-ريادقا جاقىن ماڭداعى شاعىن قالاشىقتا بولعان جاپپاي توبەلەستە ٴادىل ال-ماحەميد ەسىمدى ساۋد ارابياسىنىڭ ازاماتىن ولتىرگەنى ٴۇشىن ايىپتى دەپ تاپتى.

كەيىن قازا بولعان جىگىت حانزادانىڭ دوسى ەكەنى انىقتالدى. جەرگىلىكتى باق تاراتقان مالىمەتتەرگە سايكەس، وقيعا ورنىنا پوليسيانى ال-كابيردىڭ ٴوزى شاقىرعان. كەيىن ٴوزى سول پوليسيانىڭ قولىنا ٴتۇستى.

ساۋد ارابياسى ۇستاناتىن شاريعات زاڭىنا سايكەس، ادام ٴولتىرۋ، ەسىرتكى كونترابانداسى، قارۋلى شابۋىل، زورلاۋ جانە اللاعا ٴتىل تيگىزۋ ولىممەن جازالانادى.

amnesty international مالىمەتتەرىنە سەنسەك، وتكەن جىلى ەلدە 158 ٴولىم جازاسى ورىندالعان.

بيىل تۇركي بين ساۋد ال-كابيردىڭ ۇكىمى جىل باسىنان بەرگى ورىندالعان ٴ134-شى جازا بولدى، دەپ حابارلايدى فرانس پرەسس.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي