BAQ.kz - Қазақстан жаңалықтары USD 370.04 BAQ.kz - Қазақстан жаңалықтары EUR 420.99 BAQ.kz - Қазақстан жаңалықтары RUB 5.58
استانا:

ساۋد ارابياسىندا ايەل قۇقىعى ارتتى

ەر ادامنىڭ قۇقىعى شەكسىز بولىپ كەلگەن ساۋد ارابياسى ەندى ايەلدەردىڭ دە پىكىرىن تىڭداپ، ەسكەرۋدى ٴجون كورەدى. ەرلى-زايىپتى اجىراسقان جاعدايدا بالا بۇرىنعىداي اكەسىندە ەمەس، اناسىندا قالاتىن بولدى، دەپ حابارلايدى baq.kz اقپارات اگەنتتىگى cnn باسىلىمىنا سىلتەمە جاساپ.

اتالعان وزگەرىستەر «2030 بولجام» دەپ اتالاتىن الەۋمەتتىك، ەكونوميكالىق جوسپارعا بايلانىستى ورىندالدى. 32 جاستاعى حانزادا مۇحاممەد بەن سالمان وسى جوسپاردى ەنگىزىپ، ەلدە رەفورما جاساپ جاتقانىنا بيىل 2 جىل تولدى.

بۇعان دەيىن ساۋد ارابياسىندا اجىراسقان ايەل ٴوز بالالارىنا قورعانشىلىق قۇقىعىن الۋ ٴۇشىن جىلدار بويى سوتتاسىپ، كۇرەسەتىن. ٴباا مەن مىسىردا بۇعان دەيىن ەشقانداي قارالىمسىز-اق اكە قۇقىعى شەكسىز بولاتىن. ەندى بۇل تۇبەگەيلى جويىلدى. ادىلەت مينيسترلىگى اناسىنا قاتىستى ەشقانداي ايىپ بولماعان جاعدايدا، بالالارىن داۋسىز ايەلگە بەرەتىن بولدى.

ساۋد ارابياسىنداعى ايەلدەر قۇقىعىن قورعاپ، 17 جىل بويى كۇرەسىپ كەلە جاتقان ساميرا الحامدي: «بۇل – مەنىڭ كۇن سايىن قالاپ، ارەڭ جەتكەن ارمانىم. ادىلەت مينيسترلىگىندەگى وزگەرىس قاتتى تاڭعالدىردى. جىلدار بويى سوت زالىندا عانا بالالارىن كورۋگە ٴماجبۇر بولىپ جۇرگەن ايەلدەر ەندى بۇلايشا زارداپ شەگۋىن توقتاتادى» دەدى.

بۇل وزگەرىس ايەلدەرگە ٴوز بالالارىنىڭ قۇجاتىن الىپ، ولارعا قاتىستى زاڭدى ارەكەتتەر جاساۋىنا قۇقىق بەرەدى. قالادان شىعۋ ٴۇشىن، جول ٴجۇرۋ ٴۇشىن، ٴتىپتى، جۇمىسقا تۇرۋ ٴۇشىن بۇرىنعى كۇيەۋلەرىنەن رۇقسات الاتىن ايەلدەر ەندى عانا بوستاندىق العانداي.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي