BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

ساۋد ارابياسى كاناداداعى ەلشىسىن كەرى قايتاردى

فوتو: ren.tv

ەر-رياد وتتاۆا قالاسىنداعى ەلشىسىن كونسۋلتاسيا وتكىزۋ ٴۇشىن كەرى قايتاردى، دەپ حابارلايدى baq.kz ٴتىلشىسى ريا نوۆوستي اگەنتىگىنە سىلتەمە جاساپ.

سونداي-اق ساۋد ارابياسى كورولدىگىنىڭ سىرتقى ىستەر مينيسترلىگى ەلدەگى كانادا ەلشىسىن «نون-گرات» تۇلعا دەپ جاريالاعان. وعان ەلدەن كەتۋگە 24 ساعات بەرىلگەن.

سونىمەن قاتار كورولدىك كانادامەن جاڭا ساۋدا-ساتتىق جانە ينۆەستيسيالىق ترانزاكسيالاردى جۇرگىزۋگە تىيىم سالعان.

ايتا كەتەيىك، وتكەن بەيسەنبى كۇنى كانادانىڭ سىرتقى ىستەر ٴمينيسترى حريستيا فريلاند ساۋدارابيالىق قۇقىق قورعاۋشى سامار ٴباداۆيدىڭ جانە ونىڭ اپكەسى رايف ٴباداۆيدىڭ قاماۋعا الىنۋىنا قاتتى الاڭدايتىنىن ٴمالىم ەتكەن. ەلشى ولاردىڭ بوساتىلۋىن تالاپ ەتكەن.

«ساۋد ارابياسىنىڭ ليبەرالدى جەلىسى» اتتى ينتەرنەت-سايتىنىڭ نەگىزىن قالاۋشى رايف باداۆي كورولدىكتىڭ ٴدىن پوليسياسى مەن ٴدىن باسىلارىن سىنعا العانى ٴۇشىن قاماۋعا الىنعان. سونداي-اق وعان «يسلامعا ٴتىل تيگىزدى جانە كيبەر قىلمىس جاسادى، اكەگە باعىنباعادى» دەگەن ايىپتار تاعىلعان. باداۆي 10 جىلعا تۇرمەگە قامالعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي