BAQ.kz - Қазақстан жаңалықтары USD 361.94 BAQ.kz - Қазақстан жаңалықтары EUR 423.25 BAQ.kz - Қазақстан жаңалықтары RUB 5.4
استانا:

سارى كوزدى پينۆگيندەر ازايىپ بارادى

فوتوگراف مەردو ماكلاۋد جاڭا زەلاندياعا ساپار شەگىپ، جويىلىپ كەتۋ ٴقاۋپى بار سارى كوزدى پينگۆيندەردى سۋرەتكە ٴتۇسىردى. ولار قورشاعان ورتانىڭ ٴقاۋپى مەن كوپتەگەن دەرتتىڭ اسەرىنەن كۇن ساناپ ازايىپ بارادى، دەپ حابارلايدى baq.kz اقپارات اگەنتتىگى the gurdian باسىلىمىنا سىلتەمە جاساپ.

وسىدان 18 جىل بۇرىن ولاردىڭ سانى 7000-عا جۋىق بولسا، قازىرگى تاڭدا 3200-3600 سارى كوزدى پينگۆين تىرشىلىك ەتۋدە. حوي-حو پينگۆيندەرى جىل سايىن بالالاپ، ونىڭ 80 پايىزى تىرشىلىككە بەيىمدەلە الماي، مەرت بولادى.

جىرتقىشتىق، تىرشىلىك ەتۋ ايماعىن تاپپاۋ، اشتىق، اۋرۋلار مەن جاھاندىق جىلىنۋ پروسەسى اتالعان پينگۆيندەرگە تونگەن قاۋىپتەر تىزىمىندە العاشقى ورىن الادى. دەگەنمەن، جاڭا زەلاندياداعى وتاگو قالاسىنىڭ تۇرعىندارى ۇمىتتەرىن ۇزەر ەمەس. ولار ەرىكتىلەردەن توپ قۇرىپ، دانيدين ەمحاناسى مەن قورىعى ٴوز جۇمىسىن باستادى. جابايى تابيعاتتى قورعاۋعا ارنالعان بۇل ەمحانا-قورىق بار بولعانى 1 اي بۇرىن اشىلدى. الايدا، 2016-17 جىلدارى پينگۆيندەردى باقىلاۋدا ۇستاعاندىقتان، ٴ24-ىن الىپ كەلىپ، ەم شاراسىنان وتكىزدى.

جاڭا زەلانديادا عانا كەزدەسەتىن پينگۆيننىڭ بۇل ٴتۇرى جەرگىلىكتى حالىقتىڭ ماقتانىشىنا اينالعان. ەلگە كەلەتىن تۋريستەردىڭ باسىم بولىگى ەندى وسى قورىققا كەلىپ، تابيعاتتىڭ ەرەكشە جاراتىلىسى – سارى كوزدى پينگۆيندەردى تاماشالاي الادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي