BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

روسكومنادزور amazon سەرۆيسىنىڭ ميلليونداعان ip-ادرەسىن بۇعاتتادى

روسكومنادزور امەريكالىق amazon كومپانياسىنىڭ ەكى ميلليونداي ip-ادرەسىن بۇعاتتادى. بۇل جونىندە كوررۋپسياعا قارسى كۇرەس قورىنىڭ بەلسەندىسى ۆلاديسلاۆ زدولنيكوۆ مالىمدەدى، دەپ حابارلايدى baq.kz اقپارات اگەنتتىگى.

ول amazon-نىڭ ip-ادرەسىن بۇعاتتاۋ telegram-دى بۇعاتتاۋ جونىندەگى سوت شەشىمىنە قاتىسى جوق ەكەنىن ايتادى. بۇل شەشىم باس پروكۋراتۋرانىڭ بۇيرىعىندا كورسەتىلگەن ەكەن. وسىنىڭ الدىندا روسكومنادزور تىيىم سالىنعان سايتتاردىڭ قاتارىنا amazon، google جانە telegram-نىڭ بىرنەشە دومەنىن ەنگىزگەن.

دۇيسەنبى كۇنى رەسەيدە سوت شەشىمىمەن telegram-دى بۇعاتتاي باستادى. روسكومنادزور سونىمەن بىرگە تىيىم سالىنعان سايتتارعا كىرۋ قۇرالدارىنا دا تىيىم سالاتىنىن مالىمدەدى.

telegram نەگىزىن قالاۋشى پاۆەل دۋروۆ "رەسەيلىكتەردىڭ قۇپيا حات الماسۋ قۇقىعىن قايتارۋعا كۇرەسەتىنىن" مالىمدەدى. ونىڭ ايتۋىنشا، telegram-عا تىيىم سالسا، رەسەيدە ۇلتتىق قاۋىپسىزدىك دەڭگەيى ٴتۇسىپ كەتەدى.

امەريكالىق amazon كومپانياسى ينتەرنەت ارقىلى تاۋار ساتۋدا الەمدەگى ەڭ ٴىرى سەرۆيس. بۇل كومپانيانىڭ اقش-تان باسقا برازيليا، كانادا، ۇلىبريتانيا، گەرمانيا، جاپونيا، فرانسيا، يتاليا، يسپانيا، ٴۇندىستان مەن قىتايدا فيليالدارى بار.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي