USD 334.89 EUR 361.61 RUB 5.28
استانا:

رونالدۋ ۇشاق اپاتىنان قازا بولعان فۋتبولشىلاردىڭ وتباسىنا 3 ملن ەۋرو اۋداردى  

مادريدتىك «رەال» مەن پورتۋگاليا قۇراماسىنىڭ شابۋىلشىسى كريشتيانۋ رونالدۋ ۇشاق اپاتىنان قازا بولعان برازيليالىق «شاپەكوەنسە» كلۋبى فۋتبولشىلارىنىڭ تۋىستارى مەن جاقىندارىنا كوڭىل ايتتى، دەپ حابارلايدى baq.kz.

sovsport.ru پورتالىنىڭ مالىمەتىنشە، 31 جاستاعى فۋتبولشى قازا تاپقان ويىنشىلاردىڭ وتباسىنا 3 ملن ەۋرو كولەمىندە كومەك كورسەتۋگە شەشىم قابىلداعان.

«شاپەكوەنسە» فۋتبولشىلارىنىڭ قايعىلى قازاعا ۇشىراعانى ەسەڭگىرەتىپ تاستادى. مەن اپات قۇرباندارىنىڭ وتباسى مۇشەلەرىمەن، دوستارىمەن بىرگە قايعىرىپ وتىرمىن»، – دەپ مالىمدەدى كريشتيانۋ.

ەستەرىڭىزگە سالا كەتەيىك، كولۋمبيانىڭ سولتۇستىك-باتىسىندا جولاۋشىلار ۇشاعى اپاتقا ۇشىرادى. اۋە كەمەسىنىڭ بورتىندا برازيليانىڭ «شاپەكوەنسە» كلۋبىنىڭ فۋتبولشىلارى بولعان. اتالعان قۇراما وڭتۇستىك امەريكا كۋبوگىنىڭ فينالىنا بارا جاتقان ەكەن.

باق اقپاراتىنشا، جولاۋشىلار ۇشاعى لا-ۋنون قالاسىنىڭ انتيوكيا پروۆينسياسىندا قۇلاعان.

ۇشاققا 72 جولاۋشى جانە 9 ەكيپاج مۇشەسى مىنگەن. اپاتتان التى ادام امان قالدى.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي