BAQ.kz - Қазақстан жаңалықтары USD 326 BAQ.kz - Қазақстан жаңалықтары EUR 382.2 BAQ.kz - Қазақстан жаңалықтары RUB 5.29
استانا:

رف، يران مەن تۇركيا استاناداعى توعىزىنشى راۋندتىڭ قورىتىندىسى بويىنشا مالىمدەمە قابىلداۋى مۇمكىن

فوتو: ашық дереккөзден

استاناداعى كەلىسسوزدەردىڭ ناتيجەسى بويىنشا سيرياداعى تاتۋلاستىقتىڭ كەپىلگەر ەلدەرى – رەسەي، يران مەن تۇركيا استاناداعى كەلىسسوزدەردىڭ 9 راۋندىنىڭ قورىتىندىسى بويىنشا مالىمدەمە قابىلداۋى مۇمكىن، دەپ حابارلايدى baq.kz اقپارات اگەنتتىگى تاسس-قا سىلتەمە جاساپ.

رف پرەزيدەنتىنىڭ سيريالىق رەتتەۋ بويىنشا ارنايى وكىلى، رەسەيلىك دەلەگاسيانىڭ باسشىسى الەكساندر لاۆرەنتەۆتىڭ ايتۋىنشا، ارنايى مالىمدەمە قابىلدانۋى مۇمكىن.

«استانا پروسەسى جۇمىسىنىڭ قورتىندىسى، ونىڭ ىشىندە ٴبىر جىلدا جۇرگىزىلگەن جۇمىستىڭ ناتيجەسى بويىنشا بىرلەسكەن مالىمدەمە قابىلدانۋى مۇمكىن جانە الداعى ۋاقىتتا نەمەن اينالىساتىنىمىز بەلگىلەنەدى»، - دەدى ا. لاۆرەنتەۆ.

سونىمەن قاتار، ول رەسەيدىڭ سيريادا كەيبىر دەەسكالاسيا ايماقتارى ٴوز جۇمىستارىن توقتاتتى دەپ ەسەپتەمەيتىنىن تىلگە تيەك ەتتى.

«ٴبىز كەيبىر دەەسكالاسيا ايماقتارى ٴوز جۇمىستارىن توقتاتتى دەپ ەسەپتەمەيمىز، جوسپارلى تۇردە رەتتەۋگە كوشۋ بويىنشا جۇمىستار جۇرگىزىلۋدە»، - دەپ ٴتۇسىندىردى رف پرەزيدەنتىنىڭ ارنايى وكىلى.

ونىڭ ايتۋىنشا، دەەسكالاسيا ايماقتارى قالۋدا.

«دەەسكالاسيا ايماقتارى قالۋدا، ناقتى ٴبىر دەڭگەيدە وزگەرۋدە. اتالعان ايماقتاردا تۇراقتىلىق پەن قاۋىپسىزدىكتى قامتاماسىز ەتۋ مىندەتى قالىپ وتىر»، - دەپ اتاپ ٴوتتى ا. لاۆرەنتەۆ.

ەستەرىڭىزگە سالا كەتەيىك، استانادا سيريا بويىنشا استانا پروسەسى اياسىندا بارلىق كەپىلگەر ەلدەرى دەلەگاسيالارىنىڭ قاتىسۋىمەن ەكىجاقتى جانە ۇشجاقتى كەلىسسوزدەر جۇرۋدە. كەلىسسوزدەر جابىق رەجديمدە وتۋدە.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي