BAQ.kz - Қазақстан жаңалықтары USD 339.95 BAQ.kz - Қазақстан жаңалықтары EUR 392.64 BAQ.kz - Қазақстан жаңалықтары RUB 5.3
استانا:

رەسەي «جەڭىلىس تاپپايتىن» زىمىراندى سىناقتان ٴساتتى وتكىزدى

رەسەي قورعانىس مينيسترلىگى گيپەرداۋىستى جىلدامدىقتا جۇمىس ىستەيتىن، قۋاتتى زىمىراندى سىناقتان وتكىزدى، دەپ حابارلايدى baq.kz اقپارات اگەنتتىگى cnn باسىلىمىنا سىلتەمە جاساپ.

«رەسەي اۋا-عارىش كۇشتەرى ميگ-31 زىمىرانىنىڭ ەكيپاجى اسكەري گيپەرداۋىستى جىلدامدىقتا جۇمىس ىستەيتىن، قۋاتتى زىمىراندى سىناقتان وتكىزدى. زىمىران تەحنيكالىق تالاپتارعا ساي» دەلىنگەن حابارلامادا.

رەسەي قورعانىس مينيسترلىگى «قانجار» دەپ سيپاتتاعان زىمىراندى شىعاردى. ۆيدەو كادرلارى اسكەري تىكۇشاق پەن زىمىراندى كورسەتۋ ماقساتىندا جاسالىپ وتىر. زىمىراننىڭ كەيبىر بولىكتەرى ادەيى جاسىرىلعان.

«جەردە دە، تەڭىزدە دە ىسكە قوسىلا بەرەتىن قارۋ سىنالىپ، ماقساتتى تۇردە بەلگىلەنگەن پوليگونداعى نۇكتەگە جەتتى. ال ۇشۋى قالىپتى جاعدايدا ٴوتتى. رەسەي اسكەري قىزمەتكەرلەرى وسى زىمىرانمەن كەز كەلگەن اۋا رايىندا، تۇندە دە، كۇندىز دە جۇمىس ىستەي الادى، ولار ابدەن شىنىققان. ميگ-31 ۇشاعى جاز مەزگىلىنە ساي بولعاندىقتان، «قانجاردىڭ الەمدە بالاماسى جوق» دەپ مينيسترلىك اقپارات تاراتتى.

18 ناۋرىزدا رەسەي فەدەراسياسى پرەزيدەنتىنىڭ سايلاۋى وتكىزىلەدى. جىل سايىنعى حالىققا جولداۋىندا بيىل پۋتين رەسەيدىڭ «جاڭا، يادرولىق زىمىراندى ويلاپ تاپقانىن، ونىڭ مۇمكىندىگى شەكسىز ەكەنىن، جەڭىلىسكە ۇشىرامايتىنىن» اتاپ ٴوتتى. «رەسەي بۇرىنعىشا الەمدەگى ەڭ ۇلكەن يادرولىق بازاسى بار ەل، ٴبىراق ٴبىزدى ەشكىم تىڭداعان جوق. ٴدال ٴقازىر تىڭداڭىزدار» دەدى ۆ.پۋتين.

ال اقش قورعانىس ٴمينيسترى دجەيمس مەتتيس ٴپۋتيننىڭ بۇل سوزىنە قاتىستى ٴوز ويىن ٴبىلدىردى. «مەن رەسەي اسكەري جۇيەسىنە ەنگەن ايتارلىقتاي وزگەرىستى بايقاعان جوقپىن. ولار قانشاما قاراجاتتى قارۋلانۋ ماقساتىندا قۇربان ەتىپ ٴجۇر، وز-وزدەرىمەن جارىسىپ الەك. رەسەي حالقى ٴۇشىن جۇمسالاتىن قاراجات بوسقا كەتۋدە. مەن ٴۇشىن بۇل زىمىران ەشقانداي دا وزگەرىس ەمەس» دەدى.

اقش مەملەكەتتىك دەپارتامەنتىنىڭ حاتشىسى حيزەر ناۋەرت بولسا، دەپارتامەنت شەنەۋنىكتەرىنىڭ ٴپۋتيننىڭ جولداماسىن تىڭداعانىن ايتادى. «پۋتين قارۋدى كورسەتۋ ارقىلى اقش-قا قارسى يادرولىق سوققى جاسايتىنىن ٴبىلدىردى. بۇل، ارينە، بىزگە ۇنامايدى. ٴپۋتيننىڭ سوزدەرىن جاۋاپتى حالىقارالىق ويىنشى رەتىندە باعالاي المايمىز» دەدى.

رەسەي قورعانىس مينيسترلىگى جاڭا ارسەنالىنا ات قويۋ ٴۇشىن ۆەب-پاراقشانى ىسكە قوسىپ، قوعامنىڭ بەلسەندى بولۋىن سۇراۋدا.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي