BAQ.kz - Қазақстан жаңалықтары USD 325.75 BAQ.kz - Қазақстан жаңалықтары EUR 382.04 BAQ.kz - Қазақстан жаңалықтары RUB 5.31
استانا:

رەسەي قىرىممەن بايلانىستىراتىن ەڭ ۇزىن كوپىر سالدى

فوتو: CNN

ەل باسقارۋىنا 18 جىل تولعان ۆلاديمير پۋتين 19 شاقىرىمعا سوزىلعان جاڭا كوپىردىڭ اشىلۋ سالتاناتىنا قاتىستى. كەرچەنسك بۇعازىنا سالىنعان كوپىر رەسەيدىڭ كراسنودار ايماعى مەن قىرىم جارتىلاي ارالىن بايلانىستىرادى. بۇل تۋرالى baq.kz اقپارات اگەنتتىگى cnn باسىلىمىنا سىلتەمە جاساپ حابارلايدى.

ەۋروپاداعى ەڭ ۇزىن كوپىر دەگەن اتقا يە بولعان بۇل قۇرىلىس ۋكراينادان 2014 جىلى رەسەيدىڭ قۇرامىنا وتكەن قىرىممەن تىكەلەي بايلانىس جاساۋعا مۇمكىندىك بەرەدى. رەسەيلىك باق وكىلدەرى بۇل وقيعانى ەرەكشەلەپ، «قىرىم مەن رەسەيدىڭ ماتەريكتىك بولىگى بىرىككەن تاريحي ٴسات»،- دەپ جازدى.

ال شەتەلدىك باق بولسا، بۇل كوپىر رەسەيدىڭ حالىقارالىق يزولياسيالانۋ وقيعاسى دەگەن حابار تاراتتى. 2014 جىلى اقپاندا رەسەي ارنايى اسكەري قىزمەتى كۇشپەن قىرىمدى باسىپ الدى. جاسىل كيىمدى اسكەريلەر رەسەيگە تيەسىلى ەمەس دەپ كرەمل العاش حابار تاراتقانىمەن، كەيىن ٴوز ارەكەتتەرى ەكەنىن تولىقتاي مويىندادى. باتىس ەۋروپا ەلدەرى وسى سەبەپتى رەسەيگە ەكونوميكالىق سانكسيالار ەنگىزگەن بولاتىن.

2016 جىلى اقش-تاعى پرەزيدەنت سايلاۋىنا ارالاستى دەگەن ايىپ تاعىلعان سوڭ، اتالعان ەكونوميكالىق سانكسيالار ٴتىپتى كۇشەيىپ كەتتى.

ريا نوۆوستي اقپارات اگەنتتىگىنىڭ حابارلاۋىنشا، كولىك-تەمىر جول كوپىرىنىڭ قۇرىلىسى تولىق اياقتالعان سوڭ، تاۋلىگىنە بۇل كوپىر 40 مىڭ ۆاگون مەن 14 ميلليون جولاۋشىعا قىزمەت كورسەتەدى. جىلىنا 13 ميلليون توننا جۇك تاسىمالدانادى.

كوپىردىڭ قۇرىلىس جۇمىستارى 2016 جىلى اقپاندا باستالدى. اقش قارجى مينيسترلىگى وسى جىلى كوپىر قۇرىلىسىن جۇرگىزىپ وتىرعان 7 كومپانياعا قارسى سانكسيا جاريالادى.

كوپىر قۇرىلىسىن جۇرگىزگەن كومپانيالاردىڭ نەگىزگىسى – «سترويگازمونتاج» فيرماسى. ونىڭ ديرەكتورى اركاديي روتەنبەرگ ٴپۋتيننىڭ جاقىن دوسى جانە دزيۋدودان سپاررينگ-ارىپتەسى بولعان. رەسەي باسشىسىمەن بايلانىستا بولعانى ٴۇشىن روتەنبەرگكە اقش سانكسيا ەنگىزگەن. اركاديي روتەنبەرگتىڭ تۋعان اعاسى بوريس سوچيدە وتكىزىلگەن قىسقى وليمپيادا ويىندارىندا پۋتيننەن 7 ميلليارد دوللار الىپ، جوبا جەتەكشىسى بولعان. ول دا ۆاشينگتون سانكسيالارىنا ىلىكتى.

ال ٴوز كەزەگىندە پۋتين ٴىرى ينفراقۇرىلىس جوبالارىن قولعا الىپ، رەسەيدىڭ ۇلتتىق بەدەلىن ارتتىرماقشى. بىلتىرعى جىلى ول قيىر شىعىستاعى تابيعي رەسۋرستارعا باي ارالمەن بايلانىستىراتىن ساحالين كوپىرىنىڭ قۇرىلىسىن باستايمىز دەپ ۋادە ەتكەن. ول جاپونياداعى سولتۇستىك حوككايدو ارالىنا دەيىن سوزىلادى دەپ كۇتىلۋدە. بۇل جوسپار جۇزەگە اسسا، رەسەيدىڭ ەكونوميكالىق كورسەتكىشى ارتا تۇسەرى ٴسوزسىز دەيدى ساراپشىلار.

«كورەي تەمىر جولى مەن ٴترانسسىبىر ماگيسترالىن بىرىكتىرۋ تۋرالى سەۋل جانە پحەنيامەن كەلىسىم جاساساق، سونداي-اق ساحالين مەن حوككايدو ارالدارىن بىرىكتىرۋگە قول جەتكىزسەك، ياعني، وسى اتالعان جەرگە كوپىر سالساق، عالامدىق دەڭگەيدەگى ٴىرى جوبالار جۇزەگە اسار ەدى. ول ينفراقۇرىلىس، ەنەرگەتيكا، جوعارعى تەحنولوگيا سالاسىندا كوپتەگەن جەتىستىكتەرگە جەتكىزەدى»، - دەگەن بولاتىن پۋتين بىلتىرعى جىلعى سوزىندە.

ال قىرىم كوپىرىنىڭ اشىلۋى – تەك قانا سيمۆول عانا ەمەس، ەكونوميكالىق بايلانىستىڭ ارتۋىن بىلدىرەتىن شەشىم.

اقش جانە ەۋروپانىڭ كوپتەگەن ەلدەرى قىرىم اننەكسياسىن قابىلداماي، رەسەيگە قارسى سانكسيالار ەنگىزدى. وسى سەبەپتى دە رەسەي ٴۇشىن جاڭا اشىلعان قىرىم كوپىرى پاتريوتتىق ماڭىزى بار شارا بولىپ تابىلادى.

پۋتين ٴوز سوزىندە «ٴىس ٴبىتتى، قىرىم ەندى ەشقاشان ۋكرايناعا قايتا بەرىلمەيدى»، دەدى. ەسكە سالا كەتەيىك، وسى جىلى تەلەۆيزيالىق سۇحباتىندا «قىرىمدى قايتارۋعا يتەرمەلەيتىن وقيعا ورىن الۋى مۇمكىن بە؟» دەگەن ساۋالعا پۋتين: «ونداي وقيعا ەشقاشان بولمايدى»، - دەپ جاۋاپ بەردى.

اعىلشىن تىلىنەن اۋدارعان التىناي قۋانىشبەك

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي