BAQ.kz - Қазақстан жаңалықтары USD 339.95 BAQ.kz - Қазақстан жаңалықтары EUR 392.64 BAQ.kz - Қазақстан жаңалықтары RUB 5.3
استانا:

پۋتين جولاۋشىلار ۇشاعىن قۇلاتۋعا قالاي بۇيرىق بەرگەنىن ايتتى

2014 جىلى رف پرەزيدەنتىنە حاركوۆتان ستامبۇلعا قاراي باعىت العان ۇشاقتى باسىپ العانى تۋرالى حابار كەلگەن. پۋتين ونى قۇلاتۋ تۋرالى بۇيرىق بەرگەن. الايدا، بىرنەشە مينۋتتان كەيىن ۇشاقتى باسىپ الۋ تۋرالى اقپارات جالعان ەكەنى انىقتالعان، دەپ حابارلايدى baq.kz اقپارات اگەنتتىگى كوررەسپوندەنت پورتالىنا سىلتەمە جاساپ.

2014 جىلى رەسەي پرەزيدەنتى ۆلاديمير پۋتين بورتىندا بومبا بار دەپ حابارلانعان جولاۋشىلار ۇشاعىن قۇلاتۋعا بۇيرىق بەرگەن. بۇل جونىندە «پۋتين» اتتى دەرەكتى فيلمدە ايتىلعان.

ەكى ساعاتقا سوزىلعان دەرەكتى فيلمدە رف پرەزيدەنتى 2014 جىلدىڭ 7 اقپانىندا سوچيدەگى وليمپيادانىڭ اشىلۋى الدىندا وعان قاۋىپسىزدىك قىزمەتىنىڭ وفيسەرى حابارلاسىپ، حاركوۆتان ستامبۇلعا قاراي ۇشىپ بارا جاتقان ۇشاقتىڭ باسىپ الىنعانى تۋرالى حابارلاعان.

ٴپۋتيننىڭ ايتۋىنشا، ۇشاقتى باسىپ العاندار ونى سوچيگە قوندىرۋدى تالاپ ەتكەن. pegasus تۋركيا اۋە كومپانياسىنىڭ boeing 737-800 لاينەرىنىڭ پيلوتتارى جولاۋشىلاردىڭ بىرىندە بومبا بولعانى تۋرالى حابارلاعان.

«ۇشاق بورتىندا 110 جولاۋشى بولسا، ويىنداردىڭ اشىلۋ سالتاناتىنا 40 مىڭنان استام ادام جينالعان بولاتىن»، - دەپ جازادى پورتال.

پۋتين قاۋىپسىزدىك قىزمەتىنىڭ قىزمەتكەرلەرىنەن كەڭەس سۇراعاندا، ولار توتەنشە جاعدايلار جونىندەگى ىس-ارەكەتتەر جوسپارى ۇشاقتى قۇلاتۋدى تالاپ ەتەتىنىن ايتقان.

«مەن ولارعا جوسپارعا سايكەس ارەكەت جاساڭىزدار دەدىم»، - دەپ ەسكە الادى پۋتين.

پرەزيدەنت وسى بۇيرىعىنىڭ ارتىنشا-اق ٴوزى وليمپيادا ويىندارى وتەتىن ورىنعا كەلگەن. بىرنەشە مينۋتتان كەيىن پۋتينگە تاعى قوڭىراۋ شالىپ، بۇل جالعان اقپارات ەكەنىن جانە الگى جولاۋشى ماس كۇيدە بولعانىن، سول سەبەپتى ۇشاق تۇركياعا العان باعىتىن جالعاستىرعانىن حابارلاعان.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي