BAQ.kz - Қазақстан жаңалықтары USD 327.42 BAQ.kz - Қазақстан жаңалықтары EUR 383.51 BAQ.kz - Қазақстан жаңалықтары RUB 5.29
استانا:

پحەنيان تاريحي سامميتتەن باس تارتامىز دەپ قورقىتۋدا

12 ماۋسىم كۇنى سينگاپۋردە دونالد ترامپ پەن كيم چەن ىن اراسىندا وتەتىن سامميتتەن پحەنيان باس تارتۋى مۇمكىن. ولاردىڭ ايتۋىنشا، اق ٴۇي وڭتۇستىك كورەيادا «ارانداتۋشىلىق اسكەري تارتىپسىزدىكتەر» ۇيىمداستىرۋىن توقتاتىپ، تاريحي سامميتكە مۇقيات دايىندالۋى ٴتيىس. بۇل تۋرالى baq.kz اقپارات اگەنتتىگى cnn باسىلىمىنا سىلتەمە جاساپ حابارلايدى.

پحەنيانداعى kcna جەرگىلىكتى اقپارات كوزىنىڭ حابارلاۋىنشا، سولتۇستىك كورەيا ۆاشينگتون-سەۋل بىرىككەن اسكەري وقۋ-جاتتىعۋلارىنا قارسى بولعاندىقتان، وڭتۇستىك كورەيامەن اراداعى كەلىسىمشارتتاردى ۋاقىتشا توقتاتقان.

«بىزگە وڭتۇستىككورەيالىق باق وكىلدەرىنىڭ ەسەبى ٴمالىم. اقش سولتۇستىك كورەيا جاساعان مالىمدەمەلەرگە قۇلاق اسىپ، وداقتاستارمەن دە تىعىز قارىم-قاتىناس جۇرگىزەدى»، - دەدى اق ٴۇيدىڭ ٴباسپاسوز حاتشىسى سارا ساندەرس.

الايدا شەنەۋنىكتەر اق ٴۇيدىڭ اتالعان ەلدەردەن العان حابارلامالاردان كەيىن اشۋعا بۋلىققانىن ايتتى. ماسەلەن، مەملەكەتتىك دەپارتامەنت شەنەۋنىگى پحەنياننان كەلىسىمگە قاتىستى سوڭعى كەزدەرى ەشقانداي ەسەپ كەلمەي كەتتى دەيدى.

مەملەكەتتىك دەپارتامەنت ٴباسپاسوز حاتشىسى حيزەر ناۋەرت اقش-وڭتۇستىك كورەيا بىرىككەن اسكەري وقۋلارىن جاقتاپ، اق ٴۇيدىڭ الداعى سامميتكە تولىقتاي دايىن ەكەنىن ايتتى. ياعني، سامميتتەن ەشكىم باس تارتپايدى دەدى.

«ٴبىز ٴالى وڭتۇستىك كورەيا ۇكىمەتىنەن وسى اسكەري وقۋ-جاتتىعۋلارىن جالعاستىرماۋ نەمەسە ٴسامميتتى وتكىزبەۋ تۋرالى ۇسىنىستاردى ٴالى ەستىگەن جوقپىز»، - دەدى ناۋەرت.

ول اق ٴۇي، ۇلتتىق قاۋىپسىزدىك كەڭەسى جانە قورعانىس مينيسترلىگى وكىلدەرىنىڭ كەزدەسىپ جاتقانىن ايتتى. جۋرناليستەرگە ۆاشينگتون كەلىسىمنەن باس تارتپايدى دەدى.

ال دەموكراتيانى جاقتاۋ قورىنىڭ عىلىمي قىزمەتكەرى ەنتوني رۋدجەرونىڭ سوزىنە قاراعاندا، سولتۇستىك كورەيانىڭ ٴاربىر ارەكەتى تاڭ قالدىرۋ سەزىمىن تۋدىرمايدى. كيم چەن يردىڭ كىتابىندا جازىلعانداي، ولار كەلىسىمگە كەلگەندە ديپلوماتيالىق سەرپىلىس جاساپ، ارتىنان پحەنيان باس تارتىپ، كەيىننەن كەلىسىم ورىن الۋى ٴۇشىن ٴوز تالاپتارىن ايتادى.

«ترامپ اكىمشىلىگى پحەنياننىڭ وسى اقپاراتتى تاراتۋ ارقىلى ٴوز تالاپتارىن ورىنداتۋعا ارەكەت جاساپ وتىرعاندارىن ٴتۇسىنۋى ٴتيىس. اقش وڭتۇستىك كورەياداعى اسكەري وقۋلارىن جالعاستىرىپ، سولتۇستىك كورەيا سامميتتەن باس تارتسا، قىسىم كورسەتۋى ٴتيىس»، - دەدى رۋدجەرو.

ەكى كورەيا مەملەكەتىنىڭ اراسىندا سارسەنبى كۇنى كەلىسىمشارتتار قايتا جاسالۋى ٴتيىس بولاتىن. وڭتۇستىك كورەيا بىرىگۋ ماسەلەسى بويىنشا مينيسترلىگى سولتۇستىككورەيالىق ارىپتەسى ري سون گۆوننان كەزدەسۋدى كەيىنگە شەگەرۋ تۋرالى حابارلاما العانىن ايتادى. دەگەنمەن، بۇل حابارلامانىڭ مازمۇنى جاسىرىن قالىپ وتىر.

پەنتاگون (اقش قورعانىس مينيسترلىگى) سەيسەنبى كۇنى: «كورەيا رەسپۋبليكاسى مەن امەريكالىق اسكەري كۇشتەر قازىرگى تاڭدا جىل سايىن وتكىزىلىپ وتىرعان ەكى ەل اراسىنداعى وقۋ-جاتتىعۋ جۇمىستارىن جۇرگىزۋدە. foal eagle 2018 جانە max thunder 2018 وقۋ-جاتتىعۋ جۇمىستارى باستالدى» دەگەن بولاتىن. بۇل وقۋعا 2000 اسكەري قاتىسىپ جاتىر.

«بۇل قورعانىس جاتتىعۋلارى - جىل سايىن اقش-وڭتۇستىك كورەيا اراسىندا وتكىزىلەتىن وقۋ باعدارلاماسىنىڭ ٴبىر بولشەگى. ترەنينگ ماقساتى – ۆاشينگتون-سەۋل اليانسىنىڭ قابىلەتىن ارتتىرۋ، وڭتۇستىك كورەيانى قورعاۋ جانە دايىندىق جۇمىستارىن كورسەتۋ. ونداعان جىلدار بويى وزگەرمەگەن وقۋ-جاتتىعۋ جۇمىستارى الداعى ۋاقىتتا دا وزگەرمەيدى»، - دەدى پەنتاگوننىڭ ٴباسپاسوز حاتشىسى، پولكوۆنيك روب مەننينگ.

ەسكە سالا كەتەيىك، ناۋرىز ايىندا اق ۇيگە ساپار شەككەن وڭتۇستىك كورەيا ۇلتتىق قاۋىپسىزدىك كەڭەسىنىڭ رەسمي وكىلى جۋرناليستەرگە كيمنىڭ ترامپتى كەزدەسۋگە شاقىرعانىن مالىمدەپ، ونىڭ «وڭتۇستىك كورەيا مەن اقش اراسىنداعى اسكەري وقۋ-جاتتىعۋ جۇمىستارىنىڭ توقتاتىلمايتىنىن تولىق ٴتۇسىنىپ، قارسى كەلمەيتىنىن» ايتقان بولاتىن.

اعىلشىن تىلىنەن اۋدارعان التىناي قۋانىشبەك

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي