USD 335.71 EUR 357.36 RUB 5.23
استانا:

پەتەربۋرگتە ورتالىق ازيا تۇرعىندارىنا وشىككەن توپتى سوتتاپ جاتىر

پەتەربۋرگ قالالىق سوتىندا 2013 جىلى 12 شىلدەدە ورتالىق ازيا تۇرعىندارىنا بىرنەشە مارتە شابۋىل جاساعان 19 ٴجاسوسپىرىمنىڭ ىسىنە قاتىستى سوت تىڭداۋلارى باستالدى. شابۋىلداردان ٴبىر كىسى قازا تاپقان. كوپ اكسيالارىنىڭ ٴبىرىن ولار "اق ۆاگون" دەپ اتاعان - جاستار مەتروداعى ۆاگوندارعا باسا-كوكتەپ كىرىپ، "سلاۆيان ەمەستەردىڭ" بارلىعىن سوققىعا جىققان.

تەرگەۋ مالىمەتى بويىنشا، بۇل توپتى 2012 جىلى پەتەربۋرگ تۇرعىنى اندرەي كولەسنيكوۆ قۇرعان. شىن مانىندە ونىڭ ەسىمى دجەمال، ۇلتى - اراب، ٴبىراق ۇلتشىل كوزقاراسى ٴۇشىن ەسىمىن 2002 جىلى اندرەي دەپ وزگەرتكەن. تەرگەۋ توپتى 36 قىلمىس جاسادى دەپ ايىپتاپ وتىر.

جۋرناليستىك زەرتتەۋلەر اگەنتتىگى ديرەكتورىنىڭ ورىنباسارى ەۆگەنيي ۆىشەنكوۆ سوت پروسەسىنىڭ جابىق ٴوتۋىن دۇرىس ەمەس دەپ ەسەپتەيدى: قالا تۇرعىندارى مەن قوناقتار بەيبىت ومىردە سوققىعا جىعىلاتىن بولسا، وندا ولار وسىنداي ارەكەتكە بارعان جاستاردىڭ سوتتا قالاي وتىرعانىن كورۋگە قۇقىلى.

19 كۇدىكتىنىڭ ٴ14-ى قىلمىس جاساعان كەزدە كامەلەت جاسقا تولماعان، سول سەبەپتى سۋديا پروسەستى جابىق وتكىزۋگە شەشىم قابىلدادى.

centralasian.org

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي