BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

پاريجدە پىشاقپەن قارۋلانعان ادام 5 ادامدى جارالادى

فوتو: CNN

اشۋعا بۋلىققان ەر ادام پىشاقپەن 5 ادامدى جارالادى. بۇعان دەيىن ول ازامات ٴتارتىپ ساقشىلارىنىڭ قارا تىزىمىندە بولعان، دەپ حابارلايدى baq.kz اقپارات اگەنتتىگى cnn باسىلىمىنا سىلتەمە جاساپ.

شابۋىل جاساۋشى پاريج وپەرا تەاترىنا جاقىن جەردەگى تۋريستىك اۋداندا 5 ادامعا پىشاق سۇعىپ العان. جاياۋ جۇرگىنشىلەر جولى مەن مەيرامحانالار سەرۋەندەۋشىلەرگە تولى كەزدە ارام پيعىلىن جۇزەگە اسىرعان. ٴتارتىپ ساقشىلارى ونى بىردەن قۇرىقتادى.

قالالىق پروكۋرور فرانسۋا مولينس شابۋىل جاساۋشى قىلمىسكەردىڭ انتيتەرروريستىك تەرگەۋ تىزىمىندە بولعانىن حابارلادى. بۇل تىزىمدە سوتتالماسا دا، ەل قاۋىپسىزدىگى ٴۇشىن قاتەرلى، راديكالدى كوزقاراسى بار ازاماتتار جازىلعان.

قىلمىسكەردىڭ اتا-اناسى تەرگەۋشىلەر سۇراعىنا جاۋاپ بەردى. ونىڭ دوستارى دا ەندى تەرگەۋدەن وتەدى دەدى ٴتارتىپ ساقشىلارى.

عالامتوردا شىعارىلعان جازبا ارقىلى يگيل توبى وزدەرىنە بارلىق جاۋاپكەرشىلىكتى الىپ، شابۋىل جاساۋشىنى «يسلام ەلىنىڭ اسكەري ازاماتى» دەپ جازىپتى.

بەلگىلى بولعانى، پاريج كوشەسىندە بەيبىت تۇرعىندار مەن تۋريستەرگە شابۋال جاساعان ازامات رەسەيدىڭ وڭتۇستىك- باتىسىنداعى شەشەنستان رەسپۋبليكاسىندا تۋىپ-وسكەن. ول بار بولعانى 21 جاستا.

ساراپشىلار يگيل توبى كوبىنەسە ٴوز مۇشەلەرىن سولتۇستىك كاۆكازدان الادى دەپ حابارلادى. رەسەي ۇكىمەتىمەن ورتاق ٴتىل تابۋى قيىن اۆتونومدى، جارتىلاي اۆتونومدى مەملەكەت ازاماتتارى وسى ۇيىمعا مۇشەلىككە وڭاي وتەدى ەكەن.

شابۋىل گارنە دەپ اتالاتىن پاريج وپەرا تەاترىنان جاياۋ جۇرگەندە 10 مينۋتتا جەتەتىن قاشىقتىقتا ورىن العان. بريتاندىق رەستوراتور وليۆەر ۆۋدحەد وقيعا كۋاسى رەتىندە شابۋىل جاساۋشىنىڭ ارەكەتىن سۇمدىق وقيعا دەپ سيپاتتادى. ٴتارتىپ ساقشىلارى قىلمىسكەردى بىردەن اتىپ تاستاعان.

پاريج مەرى انن يدالگو جۋرناليستەرگە سۇحبات بەرىپ، جارالانعان 5 ازاماتتىڭ وتباسىسىنا كوڭىل ايتتى. فرانسيا پرەزيدەنتى ەممانۋەل ماكرون بولسا، قىلمىسكەردى قۇرىقتاعان ٴتارتىپ ساقشىلارىن ماقتان تۇتانىن تۆيتتەردە جازدى.

سوڭعى جىلدارى يگيل توبى مۇشەلەرى پاريجدە پىشاقپەن شابۋىل جاساۋدى ٴورشىتىپ كەلەدى. رەسەي تەرريتورياسىنداعى اۆتونومدى ەلدەر ازاماتتارى مىڭداعان توپپەن سيرياعا يگيل ۇيىمىنا مۇشەلىككە وتكەن.

ساراپشى مايكل ۆايستىڭ ويىنشا، ولار سيرياداعى يگيل توبىنا رەسەي ۇكىمەتىنە نارازى بولعاندىقتان مۇشە.

«2015 جىلى پاريجدە ورىن العان تەررورلىق ارەكەتتەرگە دەيىن، بىرنەشە كۇن بۇرىن مەن يگيل بۇرىنعى اسكەريلەرىنىڭ بىرىنەن سۇحبات العان بولاتىنمىن. ول سيريادان قاشىپ، ستامبۇلدا ٴومىر ٴسۇرىپ جاتقان. بۇرىنعى اسكەري يگيل توبىنىڭ جاڭا مۇشەلەرى شەشەندەر ەكەنىن ايتقان ەدى. ول تەك رەسەي تەرريتورياسىنداعى جارتىلاي اۆتونومدى شەشەنستاندا تۋعاندار عانا ەمەس، كاۆكازدا، داعىستاندا جانە ورتا ازيانىڭ وزگە ەلدەرىندە تۋىپ-وسكەن شەشەن ۇلتىنىڭ وكىلدەرى تۋرالى ايتتى»، - دەيدى ۆايس.

پاريجدە سوڭعى كەزدەرى پىشاق شابۋىلى ەكى اي سايىن تىركەلۋدە. سوڭعى رەت وڭتۇستىك فرانسيا جەرىندەگى ترەبە سۋپەرماركەتىندە ايەل ازاماتشانى كەپىلگە العان يگيل توبىنىڭ وكىلى ۇستالعان بولاتىن. وسى وقيعا كەزىندە پوليسيا وفيسەرى اجال قۇشقان.

جالپى، يگيل توبىنىڭ مۇشەلەرى 29 ەلدە 143 شابۋىل ۇيىمداستىرىپ، 2043 ادامدى ٴولتىردى.

2015 جىلى قاڭتاردا پاريجگە جاقىن جەردە ورنالاسقان مونرۋج قالاشىعىندا، charlie hebdo ساتيرالىق جۋرنالىنا شابۋىل جاساپ، يگيل توبى 17 ادامنىڭ ٴولىم قۇشۋىنا سەبەپ بولدى. ٴدال وسى جىلى قاراشادا فرانسيا استاناسىنىڭ بىرنەشە جەرىندە بىردەن تەرروريستىك اكتىلەر ۇيىمداستىرىلىپ، باتاكلان كونسەرت زالى مەن «ستاد دە فرانس» ستاديونىندا شابۋىل جاسالىپ، 130 بەيبىت تۇرعىن كوز جۇمدى.

2016 جىلى نيسسەدە جۇك كولىگى باستيليانى الۋ مەرەكەسىن تويلاۋ كەزىندە دالادا سەرۋەندەپ جۇرگەن بەيبىت تۇرعىنداردى باسىپ ٴوتىپ، 86 ادام قازا تاپقان ەدى.

اعىلشىن تىلىنەن اۋدارعان التىناي قۋانىشبەك


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي