BAQ.kz - Қазақстан жаңалықтары USD 370.04 BAQ.kz - Қазақстан жаңалықтары EUR 420.99 BAQ.kz - Қазақстан жаңалықтары RUB 5.58
استانا:

وزبەكستاندا دەنەسىنە 16 ينە كىرگەن بالا جازىلىپ، اۋرۋحانادان شىقتى

وزبەكستاننىڭ فەرعانا وبلىسىندا تۋعان 11 ايلىق ازيزبەك ابدۋماجيدوۆ جازىلىپ، اۋرۋحانادان شىقتى. دارىگەرلەر ونىڭ دەنەسىنەن 16 تىگىن ينەسىن تاپقان بولاتىن، دەپ حابارلايدى ۆaq.kz اقپارات اگەنتتىگى centralasian.org باسىلىمىنا سىلتەمە جاساپ.

جەرگىلىكتى باق-تىڭ حابارلاۋىنشا، تاشكەنتتەگى جەدەل جاردەم كورسەتۋ ورتالىعىنىڭ بالالار حيرۋرگى دونييور اسادۋللايەۆ ٴسابيدىڭ دەنەسىندە ٴالى ٴۇش ينە قالعانىن، ٴبىراق ولار بالانىڭ ومىرىنە ٴقاۋىپ توندىرمەيتىنىن ايتقان. ازيزبەك ايماقتىق دارىگەرلەردىڭ باقىلاۋىندا بولادى.

ەسكە سالا كەتەيىك، 17 قاڭتاردا 11 ايلىق ازيزبەك ابدۋماجيدوۆتىڭ دەنەسىنەن 16 ينە تابىلعان. دارىگەرلەر وعان توعىز ساعات بويى وتا جاساپ، 13 ينەنى العان. ٴبىراق وپەراسيادان كەيىن ازيزبەك كوماعا ٴتۇسىپ قالدى.

دارىگەرلەردىڭ ايتۋىنشا، ينەلەر ٴسابيدىڭ دەنەسىندە ەكى ايدان بەرى بولعان. بۇل ينەلەر بالانىڭ دەنەسىندە قالاي پايدا بولعانىن ٴالى ەشكىم اشىق ايتقان جوق. قۇقىق قورعاۋ ورگاندارى تەرگەۋ جۇرگىزىپ جاتىر. دەگەنمەن دارىگەرلەر سونشا ينەنى ٴسابيدىڭ جۇتىپ قويۋى مۇمكىن ەمەستىگىن جەتكىزدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي