BAQ.kz - Қазақстан жаңалықтары USD 340.27 BAQ.kz - Қазақстан жаңалықтары EUR 396.31 BAQ.kz - Қазақстан жаңалықтары RUB 5.39
استانا:

وزبەكستان رەسەيمەن بىرلەسىپ تەلەارنا اشپاق

وزبەكستان رەسەيدىڭ «پەرۆىي كانال» تەلەارناسىمەن بىرلەسىپ ەكى ەلدىڭ مەديا-كوممۋنيكاسيا سالاسىنىڭ دامۋىنا بايلانىستى جاڭا كانال اشادى، دەپ حابارلايدى baq.kz اقپارات اگەنتتىگى.

بۇل وزبەكستاننىڭ اقپاراتتىق تەحنولوگيالار جانە كوممۋنيكاسيا جونىندەگى ٴمينيسترى ازيم احمەدحادجايەۆ پەن رەسەيدىڭ بايلانىس جانە بۇقارالىق كوممۋنيكاسيا ٴمينيسترىنىڭ ورىنباسارى الەكسەي ۆولين اراسىندا تالقىلانعان.

كەلىسسوزگە رەسەي پرەزيدەنتى باسقارۋ ٴىسىنىڭ، «روسسيا سەگودنيا»، «پەرۆىي كانال»، «روسسيا24» وكىلدەرى قاتىسقان.

اتاپ ايتقاندا، رەسەيلىك دەلەگاسيا وزبەك ارىپتەستەرىن رەسەيدىڭ ساندىق تەلەارناعا قالاي كوشكەنىن ٴتۇسىندىرىپ، ٴموبيلدى تەلەارنا قۇرۋدى ۇسىنعان. مۇنان بولەك «پەرۆىي كانال» ارناسىمەن بىرلەسىپ، رەسەيلىك رەجيسسيورلەردى تارتۋ ارقىلى وزبەكستانعا ەڭبەگى سىڭگەن قايراتكەرلەر جايىندا دەرەكتى فيلمدەر ٴتۇسىرۋ تالقىلانعان.

مۇنان بولەك تاراپتار مەديا سالاسىنداعى مامانداردىڭ كاسىبي بىلىكتىلىگىن ارتتىرۋ ماقساتىندا ارنايى فورۋمدار مەن سەمينارلار وتكىزىپ تۇرۋعا كەلىسكەن.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي