BAQ.kz - Қазақстан жаңалықтары USD 369.98 BAQ.kz - Қазақстан жаңалықтары EUR 428.7 BAQ.kz - Қазақстан жаңалықтары RUB 5.64
استانا:

وزبەكستان پرەزيدەنتى 200-دەن استام سوتتالۋشىعا راقىمشىلىق جاسادى

وزبەكستان پرەزيدەنتى شاۆكات ميرزيايەۆ 200-دەن استام سوتتالۋشىعا راقىمشىلىق جاساۋ نەمەسە جازاسىن جەڭىلدەتۋ تۋرالى جارلىق شىعاردى دەپ حابارلادى baq.kz اقپارات اگەنتتىگى.

ازاتتىقتىڭ وزبەك رەداكسياسىنىڭ مالىمەتىنە قاراعاندا، "جازاسىن وتەپ جاتقان، ىستەگەن ىسىنە وكىنىپ، تۇزەلگەن سوتتالۋشىلارعا راقىمشىلىق جاساۋ تۋرالى" جارلىق 12 ماۋسىم كۇنى، مۇسىلمانداردىڭ رامازان ايى اياقتالۋعا از كۇن قالعاندا جاريالانعان.

قۇجات بويىنشا، 102 سوتتالۋشى جازادان تولىق بوساتىلادى، 71 ادام جازاسىن شارتتى تۇردە وتەۋدەن بوساتىلادى، تاعى 39 سوتتالۋشىنىڭ جازاسى جەڭىلدەتىلەدى. بۇدان وزگە، 14 سوتتالۋشىعا كەسىلگەن باس بوستاندىعىنان ايىرۋ جازاسى قىسقارادى. راقىمشىلىق جاسالعاندار اراسىندا 39 شەتەل ازاماتى جانە تىيىم سالىنعان ۇيىمداردىڭ قىزمەتىنە قاتىسقان 51 ادام بار.

جارلىقتى ىسكە اسىرۋ اياسىندا جاۋاپتى مينيسترلىكتەر مەن ۆەدومستۆولارعا راقىمشىلىق جاسالعان ادامداردىڭ وتباسى مەن جاقىندارىنا ورالۋىنا، الەۋمەتتىك تۇرعىدان بەيىمدەلۋىنە جانە قوعامدا ٴوز ورنىن تابۋىنا جاردەمدەسۋ تاپسىرىلدى.

2017 جىلى جەلتوقساندا ميرزيايەۆ وزبەكستان كونستيتۋسياسىنىڭ قابىلدانعانىنا 25 جىل تولۋىنا وراي 2700 سوتتالۋشىعا راقىمشىلىق جاساعان.

ەستەرىڭىزدە بولسا، ٴقادىر ٴتۇنى قارساڭىندا تۇركىمەنستان پرەزيدەنتى گۋربانگۋلى بەردىمۋحامەدوۆ تە 600-دەن استام سوتتالۋشىعا راقىمشىلىق جاساعان بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي