BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

وزبەكستان پوليسەيلەرى قۇران ۇستاپ انت بەردى

فوتو: Азаттық

استانا، baq.kz. وزبەكستاننىڭ تاشكەنت وبلىسىنا قاراستى جوعارعى شىرشىق اۋدانىنىڭ ىشكى ىستەر بولىمىندە ىستەيتىن قىزمەتكەرلەر قۇران ۇستاپ، پارا الماۋعا، زاڭ بۇزۋشىلىق جاساماۋعا انت بەردى.

اتالعان پوليسيا بولىمىندە انت قابىلداۋ ٴساتىنىڭ سۋرەتتەرى الەۋمەتتىك جەلىدە تاراپ كەتتى.

ازاتتىقتىڭ وزبەك قىزمەتىنە ەسىمىن ايتپاۋدى ٴوتىنىپ سۇقبات بەرگەن جوعارعى شىرشىق اۋدانى ٴىىب قىزمەتكەرى انت قابىلداۋ ٴراسىمى اۋدان يمامىنىڭ ارالاسۋىمەن وتكەن.

"جەكە قۇرامداعى ٴاربىر قىزمەتكەر قۇراننىڭ وزبەك تىلىندەگى نۇسقاسىن ۇستاپ، جەمقورلىق جاساماۋعا جانە الدامشىلىق قىلماۋعا انت بەردى" - دەگەن ول.

ال الاعان اۋداندىق پوليسيا ٴباسپاسوز قىزمەتى انت بەرۋ ٴراسىمىنىڭ انىق-قانىعىن ٴبىلۋ ٴۇشىن باسشىلىققا حابارلاسۋ كەرەكتىگىن ايتتى. راسىمگە قاتىستى دەگەن اۋداندىق يمام بۇل تۋرالى پىكىر بەرۋدەن باس تارتتى.

دەگەنمەن وزبەكستان ىشكى ىستەر اكادەمياسىندا ىستەگەن وقىتۋشىنىڭ ايتۋىنا قاراعاندا، بۇل ارەكەت جوعارى جاقتىڭ تاپسىرماسىنسىز، جەرگىلىكتى پوليسيا باسقارماسىنىڭ ارەكەتى بولۋى مۇمكىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي