BAQ.kz - Қазақстан жаңалықтары USD 363.28 BAQ.kz - Қазақстан жаңалықтары EUR 414.25 BAQ.kz - Қазақстан жаңалықтары RUB 5.44
استانا:

وڭتۇستىك سۋدانداعى ازاماتتىق سوعىس اياقتالدى

وڭتۇستىك سۋدان پرەزيدەنتى سالۆا كيير مەن كوتەرىلىسشىلەردىڭ باسشىسى ٴارى بۇرىنعى ۆيسە-پرەزيدەنت ريەك ماشار تەني وق اتپاۋ جانە ۋاكىلەتتىلىكتى ٴبولۋ جونىندە سوڭعى كەلىسىم جاسادى، دەپ حابارلايدى baq.kz اقپارات اگەنتتىگى korrespondent.net پورتالىنا سىلتەمە جاساپ.

«وڭتۇستىك سۋدان پرزيدەنتى رەتىندە بۇگىن جاسالعان كەلىسىم ەلىمىزدەگى سوعىس پەن تەكەتىرەسكە نۇكتە قويادى دەپ مالىمدەيمىن»، - دەدى پرەزيدەنت.

ونىڭ ايتۋىنشا، ۇكىمەت پەن كوتەرىلىسشى توپتار اراسىندا جاسالعان بۇل كەلىسىم ٴساتتى اياقتالدى، ويتكەنى بۇعان دەيىنگىلەرگە قاراعاندا سىرتقى كومەك كۇشىنسىز جاسالعان.

كەلىسىم بويىنشا، ماشار قايتادان ۆيسە-پرەزيدەنت لاۋازىمىنا كەلەدى.

ەسكە سالساق، وڭتۇستىك سۋدان 2011 جىلى سۋداننان تاۋەلسىزدىگىن العان بولاتىن، ەكى جىلدان كەيىن ەلدە ازاماتتىق سوعىس باستالعان ەدى.

بۇۇ دەرەگىنشە وڭتۇستىك سۋدانداعى قاقتىعىستا ون مىڭداعان ادام كوز جۇمعان، 2،2 ملن ادام ٴوز ۇيلەرىن تاستاپ كەتۋگە ٴماجبۇر بولعان.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي