BAQ.kz - Қазақстан жаңалықтары USD 341.18 BAQ.kz - Қазақстан жаңалықтары EUR 392.97 BAQ.kz - Қазақстан жаңалықтары RUB 5.34
استانا:

نەپالدا ۇشاق اپاتىنان 49 ادام قازا تاپتى

نەپالدا ورىن العان ۇشاق اپاتىنان كەمىندە 49 ادام كوز جۇمدى، وقيعا كەشە كاتماندۋ قالاسىنداعى تريبحۋۆان اۋەجايىندا تىركەلدى. بس 211 ۇشاعى جەكەمەنشىك بانگلا اۋە كومپانياسىنا تيەسىلى. دحاكادان ۇشىپ كەلە جاتىپ، ۇشۋ-قونۋ جولاعىنا جەتكەندە ىستەن شىعىپ، جانىپ كەتكەن، دەپ حابارلايدى baq.kz اقپارات اگەنتتىگى cnn باسىلىمىنا سىلتەمە جاساپ.

ۇشاقتا بارلىعى 71 جولاۋشى بولعان. 40 ادامنىڭ ٴمايىتى وقيعا ورنىنان تابىلىپ، 9 جولاۋشى ەمحانادا كوز جۇمدى. ال قالعان 22 ادام ەم الىپ جاتىر. اپات جەرگىلىكتى ۋاقىت بويىنشا تۇنگى 2:15-تە ورىن العان.

جولاۋشىلاردىڭ باسىم بولىگى - نەپال جانە بانگلادەش تۇرعىندارى، ٴبىر ادام قىتاي ازاماتى، تاعى ٴبىر ازامات مالديۆ ارالدارىنان ەكەن. بۇل تۋرالى تريبحۋۆان اۋەجايىنىڭ باس ديرەكتورى رادج كۋمار چحەتري مالىمدەدى. ال ەكيپاج مۇشەلەرىنىڭ ٴبارى دە – 4 ازامات بانگلادەش تۇرعىندارى ەكەنى انىقتالدى.

«ۇشاق ۇشۋ-قونۋ جولاعىنىڭ وڭ جاعىنان قونۋى ٴتيىس بولاتىن، الايدا ۇشقىش سول جاعىنان قونۋعا تىرىسقان. بيلىك وكىلدەرى ولاردىڭ نەلىكتەن مۇنداي قادامعا بارعانىن انىقتاي الماي وتىر»، - دەدى چحەتري.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي