USD 335.71 EUR 357.36 RUB 5.23
استانا:

نازاربايەۆ باسقارعان قازاقستان بەيبىت جولمەن ٴوز قوعامىن نىعايتتى - ەۋروپارلامەنت

مەملەكەت باسشىسىن تاڭداۋدا قازاقستاننىڭ جولى بولدى. ەۋروپا پارلامەنتىندەگى لاتۆيانىڭ وكىلى، دەپۋتات، قازاقستانمەن جانە ورتالىق ازيا ەلدەرىمەن ىنتىماقتاستىق جونىندەگى ەپ دەلەگاسياسى ٴتوراعاسىنىڭ ورىنباسارى تاتيانا جدانوك بريۋسسەلدەگى «قازاقپارات» حاا مەنشىكتى تىلشىسىنە بەرگەن سۇحباتىندا وسىنداي پىكىر ٴبىلدىردى.

«مۇنداي وزگەرىستەر كەزەڭىندە (كسرو-نىڭ ىدىراۋى - رەد.) كوپ نارسە تۇلعاعا بايلانىستى بولادى. قازىرگى ۋاقىتتا شوقتىعى بيىك ساياساتكەرلەردىڭ جەتىسپەۋشىلىگى تۋرالى پىكىرمەن دە كوپشىلىگى كەلىسەدى. نۇرسۇلتان نازاربايەۆ - سونداي ٴبىرتۋار تۇلعا»، - دەپ ەۋرودەپۋتات قازاقستان تاريحىنداعى تۇڭعىش پرەزيدەنتتىڭ رولىنە پىكىر ٴبىلدىردى.

ول «ەلدى وتپەلى كەزەڭنىڭ الاساپىرانىنان امان الىپ شىققان مەملەكەت باسشىسى بار قازاقستاننىڭ جولى بولدى»، دەپ تولىقتىرا ٴتۇستى.

ت.جدانوك قر پرەزيدەنتىنىڭ بۇۇ باس اسسامبلەياسىنىڭ 70-سەسسياسى اياسىندا ايتقان باستامالارىنا ايرىقشا نازار اۋداردى.

«ن.نازاربايەۆتىڭ بۇۇ باس اسسامبلەياسىنىڭ 70-سەسسياسىندا ايتقان باستامالارى وتە ماڭىزدى دەپ ەسەپتەيمىن. ول «بولاشاق قوعام» تۋرالى ٴوز بولجامدارىن ايتىپ، جاڭا قۇرىلىمدار تۋرالى ٴسوز قوزعايتىن ساناۋلى ساياساتكەرلەردىڭ ٴبىرى. سول قاسيەتىمەن ول الەمدىك دەڭگەيدەگى ساياساتكەرگە اينالدى»، - دەپ اتاپ ٴوتتى ەۋروپارلامەنت دەپۋتاتى.

تاتيانا جدانوكتىڭ پىكىرىنشە، تاۋەلسىزدىك جىلدارى تولەرانتتىلىق پەن كەلىسىم ۇلگىسىن ىلگەرىلەتۋ جونىندەگى ەل باسشىلىعى قابىلداعان شارالار ٴوز تيىمدىلىگىن كورسەتتى.

«البەتتە، وزگە پوستكەڭەستىك ەلدەرمەن سالىستىرعاندا، نازاربايەۆ باسقارعان قازاقستان داۋ-جانجالسىز بەيبىت جولمەن ٴوز قوعامىن نىعايتتى»، - دەدى ت.جدانوك.

تاتيانا جدانوكتىڭ پايىمداۋىنشا، «قازاقستان وزگە مەملەكەتتەرمەن ٴساتتى قارىم-قاتىناس ورناتۋدىڭ ناعىز ۇلگىسىنە اينالدى». ول قازاقستان رەسپۋبليكاسىنىڭ ەۋرووداقپەن كەڭەيتىلگەن سەرىكتەستىك پەن ىنتىماقتاستىق تۋرالى كەلىسىم بەكىتكەن ورتالىق ازيانىڭ العاش ەلى ەكەنىن ەسكە سالدى.


دەرەك كوزى:inform.kz

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي