BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

ميانما بيلىگى روحيندجا بوسقىندارىن ەلگە قايتارا باستادى

فوتو: ИноСМИ

ميانما ۇكىمەتى اياۋسىز رەپرەسسيادان باس ساۋعالاپ، كورشى بانگلادەشكە قاشقان بوسقانداردىڭ العاشقى وتباسىن ەلگە قايتارعانىن مالىمدەدى، دەپ حابارلايدى baq.kz اقپارات اگەنتتىگى.

afp اگەنتتىگىنىڭ حابارلاۋىنشا، ميانمادان بانگلادەشكە 700 مىڭعا جۋىق روحيندجا قاشقان. ادام قۇقىعىن قورعاۋشىلار بيلىكتىڭ قازىرگى ارەكەتىن سىنادى. ميانماعا قايتا ورالۋ - مۇسىلماندار ومىرىنە ٴقاۋىپتى بولۋى مۇمكىن دەپ ەسەپتەيدى ساراپشىلار.

ٴوز مەملەكەتى جوق روحيندجا مۇسىلماندارى وتكەن جىلى تامىز ايىندا ميانما بيلىگى تاراپىنان اياۋسىز رەپرەسسيا مەن جاپپاي ازاپتاۋ ناۋقانىنا تاپ بولدى. ميانمانى سىناعان بۇۇ روحيندجالاردى ىعىستىرۋدى ز ۇلىمدىعى جاعىنان ەتنيكالىق تازالاۋعا پارا-پار دەپ اتاعان. دەگەنمەن ميانما بيلىگى بۇل ايىپتاۋلاردى جوققا شىعارىپ، اسكەر قارۋلانعان بۇلىكشىلەرگە قارسى وپەراسيا جۇرگىزدى دەپ اقتالعان.

بانگلادەش پەن ميانما بوسقىنداردىڭ رەپاترياسياسىن جىل باسىندا جاريالاعان، ٴبىراق بۇل جوسپاردى ورىنداۋ بىرنەشە مارتە كەيىنگە شەگەرىلىپ كەلگەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي