BAQ.kz - Қазақстан жаңалықтары USD 325.75 BAQ.kz - Қазақстан жаңалықтары EUR 382.04 BAQ.kz - Қазақстан жаңалықтары RUB 5.31
استانا:

مۇز ايدىنىندا كونە وركەنيەتتىڭ بولعانىن دالەلدەيتىن ىزدەر تابىلدى

فوتو: Phys.org

عالىمداردىڭ حالىقارالىق توبى گرەنلانديالىق مۇز ايدىنىنىڭ سىناماسىنان ٴبىزدىڭ زامانىمىزعا دەيىن 1100 جانە 800 جىلدار ارالىعىندا تۇزىلگەن قورعاسىن شىعارىندىسىنىڭ ٴىزىن انىقتادى. اۋىر مەتال شوگىندىسىنىڭ جاسى كونە ەۋروپالىق وركەنيەتتىڭ شارىقتاپ دامۋ جانە قۇلدىراۋ كەزەڭىمەن تۇسپا-تۇس كەلەدى، دەپ حابارلايدى baq.kz اقپارات اگەنتتىگى phys.org عىلىمي-تەحنيكالىق جاڭالىقتار سايتىنا سىلتەمە جاساپ.

ەجەلگى گرەكيا مەن ريم يمپەرياسى كەزەڭىندە ەۋروپالىق قورعاسىن-كۇمىس كەنىن وڭدەۋ بارىسىندا اتموسفەراعا قورعاسىن تۇسكەن، سودان سوڭ جەل ارقىلى اتلانت مۇحيتىمەن گرەنلاندياعا جەتكەن. مۇندا مەتالل بولشەكتەرى شاڭ جانە سۋ تامشىلارىمەن مۇز ايدىنىنا شوگىپ قالعان.

فوتو:phys.org

زەرتتەۋشىلەر الىنعان جىنىسوزەكتەگى قورعاسىن مولشەرى 21 مىڭنان استام ٴتۇرلى ولشەمدەرمەن ولشەنگەن. ول 1900 جىلدىق كەزەڭدى قامتىدى.

مامانداردىڭ ەسەپتەۋىنشە، قورشاعان ورتاعا شىعارىلعان قورعاسىننىڭ باسىم بولىگى كۇمىستى كوپتەپ ٴوندىرۋدىڭ ناتيجەسى. سەبەبى، سول كەزدەرى تيىن جاساۋ ٴۇشىن كۇمىس جاقسى وندىرىلگەن. سونىمەن، اۋىر مەتالل شىعارىندىسى ٴبىزدىڭ زامانىمىزعا دەيىن 900 جىلدارى فينيكيالىقتاردىڭ جەرورتا تەڭىزىنىڭ باتىسىندا ساۋدا باعىتتارىن كەڭەيتۋگە بايلانىستى ارتقان. لاستانۋ ريم يمپەرياسىنىڭ وركەندەۋ كەزەڭىمەن تۇسپا-تۇس كەلەدى (ٴبىزدىڭ زامانىمىزدىڭ i-ii عاسىرى).

ايتا كەتەيىك، قورعاسىن كونسەنتراسياسىنىڭ تومەندەۋى وبا ىندەتىنىڭ ۋشىعۋىمەن، سوعىس جانە ساياسي داعدارىسپەن بىردەي جۇرگەن. سونىمەن قاتار، ەجەلگى ٴريمنىڭ سوڭعى 80 جىلىندا اۋىر مەتالل شىعارىندىسى شامامەن ٴتورت ەسە ازايعان.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي