BAQ.kz - Қазақстан жаңалықтары USD 361.94 BAQ.kz - Қазақстан жаңалықтары EUR 423.25 BAQ.kz - Қазақстан жаңалықтары RUB 5.4
استانا:

جاپون سۋرەتشىسى مونا ليزانى ەرەكشە ادىسپەن قايتا سالدى

مۋلتفيلمنەن الىنعان مىڭ ٴتۇرلى ۇساق كەيىپكەرلەردىڭ بەينەسىن بىرىكتىرىپ، جاپوندىق سۋرەتشى كەيتا ساگاكي مونا ليزا كلاسسيكالىق كارتيناسىن جاڭا بەينەدە تانىستىردى. لەوناردو دا ٴۆينچيدىڭ ايگىلى مونا ليزا تۋىندىسى بۇعان دەيىن دە كوپتەگەن تۇردە قايتا سالىنسا، ٴدال وسىنداي ۇساق سۋرەتتەرمەن العاش رەت بەينەلەنىپ وتىر، دەپ حابارلايدى baq.kz اقپارات اگەنتتىگى cnn باسىلىمىنا سىلتەمە جاساپ.

ساگاكيدىڭ سۋرەتى الىستان قارا ٴتۇستى قالامساپپەن سالىنعان سياقتى كورىنەدى. ٴبىراق جاقىننان كەلىپ قاراساڭىز، كارتينانىڭ جۇزدەگەن مۋلتفيلم كەيىپكەرىنەن قۇرالعانىن كورەسىز. ماسەلەن، كۇشىك مونا ليزانىڭ بەتىندە جاتىر، ال كۇلىپ تۇرعان مىسىقتى ونىڭ مۇرنىنان تاباسىز. ساتۋرن تۋرالى مۋلتفيلم كەيىپكەرلەرىن حانىمنىڭ ماڭدايىنان كەزدەستىرۋگە بولادى. جانە ٴداستۇرلى جاپون انيمەسى مەن مانگا كەيىپكەرلەرىن سۋرەتشى كوپتەپ قولدانعان.

لەوناردو دا ٴۆينچيدىڭ «بوتيچەللي»، «ۆەنەرانىڭ تۋۋى»، «قۇپيا كەشتەر» تۋىندىلارى مەن حوكۋسايانىڭ «كاناگاۆاداعى ۇلكەن تولقىن» كارتيناسىن دا وسىنداي مانگالارمەن سالىپ شىققان.

جاپوندىق سۋرەتشى 2004 جىلدان بەرى ٴوزىنىڭ قايتالانباس ٴستيلىن قالىپتاستىردى. بالا كەزىنەن بەرى جاقسى كورەتىن مانگا جانە انيمە مۋلتكەيىپكەرلەرىن باتىس ونەرىمەن استاستىرا بىلگەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي