BAQ.kz - Қазақстан жаңалықтары USD 369.98 BAQ.kz - Қазақстан жаңалықтары EUR 428.7 BAQ.kz - Қазақстан жаңалықтары RUB 5.64
استانا:

ميرزيايەۆ ترامپپەن ونىڭ ٴوز ستيلىندە قول الىستى

فوتو: Kevin Lamarque/Reuters

اق ٴۇي الدىندا ٴوزىن كۇتىپ تۇرعان اقش پرەزيدەنتى دونالد ترامپپەن امانداسۋ كەزىندە وزبەكستان باسشىسى شاۆكات ميرزيايەۆ ارىپتەسىن قولىنان الىپ وزىنە قاراي تارتىپ قالدى. بۇلاي قول الىسۋ ترامپتىڭ وزىنە ٴتان ەكەنى باسپاسوزدە بىرنەشە مارتە ايتىلعان بولاتىن.

كولىكتەن تۇسكەن شاۆكات ميرزيايەۆپەن قول الىسىپ جانە جۋرناليستەرگە قاراپ سۋرەتكە تۇسكەن سوڭ دونالد ترامپ بۇرىلىپ ىشكە كىرۋگە ىڭعايلانا بەرگەن. وسى ساتتە ميرزيايەۆ وعان قولىن تاعى دا ۇسىنىپ وزىنە قاراي قاتتىراق تارتتى. ترامپ قايتادان بۇرىلىپ كامەرالارعا قاراپ كۇلدى. ودان سوڭ ەكى پرەزيدەنت ىشكە كىردى.

دونالد ترامپ شاۆكات ميرزيايەۆتىڭ باسشىلىعىمەن وزبەكستاندا جاسالىپ جاتقان رەفورمالاردى جوعارى باعالادى.

بۇل جونىندە اق ٴۇي تاراتقان حابارلامادا ايتىلادى. ترامپ وزبەكستاننىڭ شاۆكات ميرزيايەۆ پرەزيدەنتتىگى باستالعان ۋاقىتتان بەرى ساياسي، ەكونوميكالىق جانە الەۋمەتتىك رەفورمالاردى جۇرگىزۋدە زور پروگرەسس جاساعانىن مويىنداعان. سونىمەن قاتار پرەزيدەنت ترامپ ميرزيايەۆتىڭ ادام قۇقى ماسەلەسىندەگى احۋالدى جاقسارتۋداعى رەفورمالارىن جوعارى باعالاعان. ونىڭ ىشىندە اقش باسشىسى وزبەكستاندا ساياسي تۇتقىنداردى بوساتۋ، بالا ەڭبەگىن جۇيەلى تۇردە پايدالانۋعا تىيىم سالۋ جانە ماجبۇرلەپ جۇمىس ىستەتۋمەن كۇرەس سالاسىنداعى جەتىستىكتەردى اتاپ ايتقان.

ونىڭ سوزىنە قاراعاندا، ٴدال وسى جەتىستىكتەر ەكى ەل اراسىنداعى ىنتىماقتى دامىتۋعا جاعداي جاساپ وتىر.

ەكى پرەزيدەنتتىڭ اق ۇيدە وتكەن كەزدەسۋىنەن كەيىن شاۆكات ميرزيايەۆ وزبەكستاندا ادام قۇقى بويىنشا احۋال بۇدان بىلاي جاقسارماسا ناشارلامايتىنىن مالىمدەدى. ميرزيايەۆ سونىمەن قاتار وزبەكستاندا ٴدىني بوستاندىقتاردى قولداۋ ماقساتىنداعى «جول كارتاسىن» ىسكە اسىرۋعا دايىن ەكەنىن ايتتى.

ميرزيايەۆتىڭ ساپارى كەزىندە ەكى ەل اراسىندا جالپى سوماسى 5 ميلليارد دوللار بولاتىن كەلىسىم-شارتتارعا قول قويىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي