BAQ.kz - Қазақстан жаңалықтары USD 325.79 BAQ.kz - Қазақстан жаңалықтары EUR 402.94 BAQ.kz - Қазақстан жаңалықтары RUB 5.33
استانا:

ميرزەەۆ مۇعالىمدەرگە ماقتا تەرگىزگەن شەنەۋنىكتەردى قىزمەتىنەن شەتتەتەدى

فوتو: Коммерсант.Уз

سىرداريا وبلىسى سايحۋناباد اۋدانى تۇرعىندارىمەن كەزدەسكەن وزبەكستان پرەزيدەنتى شاۆكات ميرزەەۆ مۇعالىمدەردى ماجبۇرلەپ كوشە تازالاتۋعا شىعارعان شەنەۋنىكتەردى قاتتى سىنادى، دەپ حابارلايدى baq.kz اقپارات اگەنتتىگى.

مەملەكەت باسشىسى سامارقان وبلىسىندا مەرت بولعان جاس ٴمۇعالىم ديانا ەنيكەەۆانىڭ ولىمىنە ٴوزىن كىنالى سانايتىنىن ايتتى. ەنيكەەۆانى پرەزيدەنت ساپارى قارساڭىندا جول بويىن جيناۋ كەزىندە كاماز باسىپ كەتكەن ەدى. مۇعالىمدەردى ماجبۇرلەپ جۇمىسقا شىعارعان شەنەۋنىكتەر قىزمەتتەن قۋىلاتىنىن پرەزيدەنت قاتتى ەسكەرتتى.

13 ساۋىردە سايحۋناباد اۋدانىنىڭ بەلسەندىلەرىمەن كەزدەسكەن شاۆكات ميرزەەۆ ۇستازداردىڭ ابباتتاندىرۋ جۇمىستارىنا تارتىلۋىن العاش مارتە سىنادى.

سونىمەن بىرگە مەملەكەت باسشىسى ايماقتارعا ساپارى قارساڭىندا شۇعىل تۇردە جاسالاتىن «كوزبوياۋشىلىق» جۇمىستاردان حاباردار ەكەنىن مالىمدەدى.

«ماعان بۇل ايماق تۋرالى مالىمەتتەردى ساپاردان ٴبىر كۇن بۇرىن جەتكىزەدى. ٴبىراق كوپتەگەن ورىندا «كوزبوياۋشىلىق» كوپ كەزدەسەدى. شىنىمدى ايتسام، ماعان وتە ىڭعايسىز، مۇنىڭ بارىنەن جيىركەنەمىن. مۇعالىمدەرگە اينالانى جيناستىرىپ، كوشە سىپىرتۋ - مەنى عانا ەمەس، مەنىڭ ساياساتىمدى ساتۋ»، - دەدى ميرزەەۆ.

سايحۋناباد اۋدانىنداعى كەزدەسۋدە ميرزەەۆ «ماقتان سوزدەر» مەن «ٴتۇرلى جينالىستا ارنايى دايىندالعان ادامداردىڭ ماداقتاۋلارىنان» جالىققانىن ايتتى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي