BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

لاتۆيانىڭ مىڭداعان تۇرعىنى وزدەرىن كازينوعا كىرگىزبەۋدى ٴوتىندى

لاتۆيانىڭ 1 200-دەن استام ادامى قۇمار ويىنداردى تەكسەرۋ ينسپەكسياسىنا وزدەرىنە كازينوعا كىرۋگە تىيىم سالۋدى سۇراپ ٴوتىنىش جازدى، دەپ حابارلايدى baq.kz اقپارات اگەنتتىگى ريا نوۆوستي سايتىنا سىلتەمە جاساپ.

2018 جىلدىڭ العاشقى ايىندا 85 ادام وزدەرىنە قۇمار ويىندار ويناۋعا تىيىم سالۋ تۋرالى ٴوتىنىش جازعان. ينسپەكسيا بۇل وتىنىشتەردى قاراستىرىپ، ولاردى ويىن بيزنەسىمەن اينالىساتىن نەگىزگى كوممەرسانتتارعا جىبەرەدى. قۇمار ويىندار كلۋبىنداعىلار قوناقتاردىڭ كامەلەتتىك جاسقا تولۋىن جانە جوعارىداعى ينسپەكسيا بەرگەن تىزىمدە بولماۋىن ەسكەرۋى ٴتيىس. كازينو مۇنى مىندەتتى تۇردە جۇزەگە اسىرادى. سەبەبى، ولاردا كليەنتتىك بازا بار. بۇگىندە ٴدال وسىلاي ٴوتىنىش جازۋشىلاردىڭ سانى مىڭنان اسىپ وتىر.

sputnik لاتۆيا باسىلىمىنىڭ حابارلاۋىنشا، ويىن قۇمارلىق ادامداردى ٴقاۋىپتى ارەكەتتەرگە يتەرمەلەيدى. مىسالى، وسى جىلدىڭ قاڭتار ايىندا ەر ادام بەس مينۋت اۆتومات ويناۋ ٴۇشىن تۋعان بالاسىن كوشەدە قالدىرىپ كەتكەن. كەيىن جانىندا بالاسى بولعانىن ۇمىتىپ، ول بىرنەشە ساعات قۇمار ويىن ويناپ جۇرگەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي