BAQ.kz - Қазақстан жаңалықтары USD 361.94 BAQ.kz - Қазақстан жаңалықтары EUR 423.25 BAQ.kz - Қазақстан жаңалықтары RUB 5.4
استانا:

ماسكەۋدەگى نارازىلىق اكسياسىنا بارعان جيرينوۆسكيي تاياق جەپ قايتتى

فوتو: riafan.ru

لدپر پارتياسىنىڭ باسشىسى ۆلاديمير جيرينوۆسكيي پۋشكين الاڭىندا ٴوتىپ جاتقان نارازىلىق اكسياسىنا بارىپ، ميتينگكە كەلۋشىنىڭ بىرىمەن جاعاجىرتىستى، دەپ حابارلايدى baq.kz اقپارات اگەنتتىگى infox.ru پورتالىنا سىلتەمە جاساپ.

زەينەت جاسىن ۇلعايتۋعا قارسى ۇيىمداستىرىلعان نارازىلىق شاراسىنا كەلۋشىلەر رەسەيلىك ساياساتكەردى جاقتىرماي قارسى الدى. ٴار جەردەن «كلوۋن»، «پوزور» دەگەن دورەكى سوزدەر ايتىلىپ جاتتى. جيرينوۆسكيي نامىسىنا تيەتىن سوزدەرگە شىداي الماي ٴسوز قايتارعان، وسى كەزدە ميتينگكە كەلۋشىلەردىڭ ٴبىرى وعان جۇدىرىعىن الا جۇگىرگەن. ناتيجەسىندە ەكەۋى توبەلەسىپ، جەردە دومالاپ جاتتى. جيرينوۆسكيي جاعاسىنان العان ادامعا پسيحياتريالىق اۋرۋحاناعا قارالۋىنا كەڭەس بەرىپ، ٴۇش جىل تۇرمەدە وتىرعىزاتىنىن ايتىپ، سەس كورسەتتى. ميتينگكە كەلۋشىلەر جان-جاقتان وعان ىسقىرىپ، تىپتەن بىرەۋى اياق كيىمىن لاقتىرعان.

دەگەنمەن جيرينوۆسكيي اكسياعا قاتىسۋشىلار الدىندا ٴسوز سويلەۋ مۇمكىندىگىن الدى. ٴسوز اراسىندا ول مەملەكەتتىك دۋمادا زەينەت جاسىنا قاتىستى رەفورمانى قولداپ، داۋىس بەرمەگەندىگىن ايتتى. سونداي-اق نارازىلىق تانىتۋشىلاردى زاڭ بۇزباۋعا شاقىرىپ، بۇل ٴۇشىن جاۋاپكەرشىلىككە تارتىلۋىلارى مۇمكىن ەكەندىكتەرىن ايتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي