BAQ.kz - Қазақстан жаңалықтары USD 336.39 BAQ.kz - Қазақстан жаңалықтары EUR 390.28 BAQ.kz - Қазақстан жаңалықтары RUB 5.36
استانا:

ماسكەۋدە قازاق تىلىنە ارنالعان دوڭگەلەك ۇستەل ٴوتتى

رەسەي فەدەراسياسىنداعى «حالىقارالىق باعدارلامالار ورتالىعى» اق وكىلدىلىگىنىڭ ۇيىمداستىرۋىمەن ماسكەۋ مەملەكەتتىك لينگۆيستيكالىق ۋنيۆەرسيتەتىندەگى «قازاق ٴتىلى مەن مادەنيەتى» ورتالىعىندا، «بولاشاق» باعدارلاماسىنىڭ يەگەرلەرى قازاق ٴتىلىن ۇيرەنىپ جاتقان ستۋدەنتتەرمەن دوڭگەلەك ۇستەل وتكىزدى.

دوڭگەلەك ۇستەل بارىسىندا، «حالىقارالىق باعدارلامالار ورتالىعى» اق وكىلى س. كەرىمبايەۆا «بولاشاق» باعدارلاماسىنىڭ 25 – جىلدىعىنا وراي ازىرلەنگەن ارنايى پرەزەنتاسياسىندا باعدارلاما تۋرالى اتالعان ستۋدەنتتەرگە تولىق اقپارات بەرىپ، باعدارلامانىڭ يەگەرلەرى قازاقستان رەسپۋبليكاسىنىڭ جەتىستىكتەرى مەن استانانىڭ 20-جىلدىعى قارساڭىندا باس قالانىڭ تاريحى مەن كورىكتى جەرلەرى جايلى ايتىپ بەردى.

قازاق ٴتىلى مەن مادەنيەت ورتالىعىنىڭ جەتەكشىسى ك. شاحاتوۆا ورتالىقتىڭ قىزمەتى مەن ستۋدەنتتەرمەن اتقارىلىپ جاتقان جۇمىس جونىندە ٴوز ويىن ورتاعا سالدى.

"ماسكەۋ مەملەكەتتىك لينگۆيستيكالىق ۋنيۆەرسيتەتىندەگى قازاق ٴتىلىن ەكىنشى شەت ٴتىل رەتىندە وقىپ جاتقان ستۋدەنتتەر ەلىمىزدىڭ باس قالالارى استانا مەن الماتى قالالارىندا وتكەن تاجىريبەلەرى جايلى پرەزەنتاسيا جاساپ، قازاق ٴتىلىن قانشالىقتى مەڭگەرگەندىكتەرىن كورسەتتى" - دەيدى ك. شاحاتوۆا.

دوڭگەلەك ۇستەل سوڭىندا «بولاشاق» باعدارلاماسىنىڭ وكىلى مەن يەگەرلەرى ستۋدەنتتەردىڭ سۇراقتارىنا جاۋاپ بەرىپ، ولارعا ارنايى سىيلىقتار تابىستادى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي