BAQ.kz - Қазақстан жаңалықтары USD 369.35 BAQ.kz - Қазақстан жаңалықтары EUR 421.47 BAQ.kz - Қазақстан жаңалықтары RUB 5.57
استانا:

مارستا دا جەل سوعادى ەكەن

استانا، baq.kz. اقش عارىش اگەنتتىگىنىڭ (nasa) ماماندارى مارس پلانەتاسىنداعى جەلدىڭ دىبىسى جازىلعان تاسپانى جاريالادى. جاقىندا مارستىڭ بەتىنە قونعان insight اپپاراتىنداعى سەيسموگراف جەلتوقساننىڭ ٴ1-ى كۇنى شاعىن تەربەلىستى تىركەگەن. وعان جىلدامدىعى ساعاتىنا 16-24 كيلومەترگە دەيىن جەتەتىن مارستاعى جەل سەبەپ بولعان.

insight اپپاراتى جازىپ العان تاسپاداعى دىبىس جەردەگى جەلدىڭ سوققانىنا ۇقسايدى. عالىمدار اۋديوجازبانى جەردەگى قۇرىلعىلاردا تىڭداۋعا بولاتىنداي ەتىپ قايتا وڭدەگەن. عارىش اپپاراتى تىركەگەن دىبىس تومەن جيىلىكتە جازىلعاندىقتان ونىڭ جيىلىگىن ەكى وكتاۆاعا كوتەرۋگە تۋرا كەلگەن.

nasa اگەنتتىگىنىڭ insight اپپاراتى مارس پلانەتاسىنىڭ بەتىنە قاراشانىڭ 26-ى كۇنى قونعان. ول مارس قاباتىندا بولىپ جاتقان پروسەستەردى باقىلايتىن بولادى. عارىش اگەنتتىگىنىڭ باس ديرەكتورى دجيم برايدەنستاين ادامزات بۇعان دەيىن مارس جەلىنىڭ دىبىسىن ەشقاشان ەستىپ كورمەگەنىن ايتادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي